💕 രുദ്ര 💕2 [🇭 🇦 🇷 🇱 🇾 ] 424

“””””അഹ് ഇപ്പൊ കററ്റായി. അല്ല, നിന്റെ മുഖമെന്താ ഇങ്ങനെ ഇരിക്കണേ നീ കരഞ്ഞോ…??””””

“””””ഏയ് പ്രായമായി വരുവല്ലേ അങ്ങനൊക്കെ തോന്നും. വഴീന്ന് മാറ് മറുതെ ഞാൻ പോട്ടെ….”””””

അവരേം തള്ളി മാറ്റി ഞാൻ അകത്തേക്ക് ചെന്നു. മുത്തച്ഛന്റെയും മുത്തശ്ശിയുടേം റൂമിലേക്ക്……..

“”””എടാ ആദി കുട്ടാ ഞങ്ങള് മരിച്ചാലും എന്തേലും വിഷമം മനസ്സിൽ തട്ടിട്ടുണ്ടെ ഈ മുറിയിൽ വന്ന് പറഞ്ഞാൽ മതി. ഞങ്ങൾക്കത് കേക്കാൻ പറ്റും……”””””

“””””മുത്തച്ഛ, മുത്തശ്ശി….. നിങ്ങളിവിടെ തന്നെയുണ്ടെന്നെനിക്ക് അറിയാം. നിങ്ങടെ കൊച്ചു മോനൊരു ക്രൂരനാ. ഒരു കാലത്ത് ഞാൻ സ്നേഹിച്ചിരുന്ന എന്റെ പെണ്ണിനെ ഇന്ന് ഞാൻ എന്തൊക്കെയാ ചെയ്യുന്നേ….?? ഞാൻ മനുഷ്യൻ തന്നെയാണോ എന്ന് പോലുമെനിക്ക് സംശയമുണ്ട്. ഇന്ന് രാവിലെ വരെ ഞാൻ അവളെ ദ്രോഹിക്കുവായിരുന്നു. എവിടുന്നോ എപ്പഴോ പഴയോർമകൾ എന്റെ മനസ്സിനെ ഉലച്ചു കളഞ്ഞു. എന്നോട് പൊറുക്ക് മുത്തച്ഛ., എന്നെ ശപിക്കല്ലേ മുത്തശ്ശി……”””””

എന്നെ നന്നായി മനസ്സിലാക്കിയവർ ആയിരുന്നു എന്റെ മുത്തച്ഛനും മുത്തശ്ശിയും. അവസാന സമയത്ത് ഞങ്ങൾക്ക് ഞങ്ങടെ ആ പഴേ ആദി കുട്ടനെ കാണണം എന്നവരെപ്പോഴും പറയുമായിരുന്നു. എന്നാലാ പഴയ ആദിയാവൻ എനിക്ക് കഴിഞ്ഞില്ല. എന്നെ ഇങ്ങനെ ആക്കിയത് എന്റെ തന്നെ കഥയാണ്……… ഞാൻ മറക്കാൻ ആഗ്രഹിക്കുന്ന, എന്നാൽ മറക്കാൻ പറ്റാത്ത ആ കഥ………!!

പത്താം ക്ലാസ് കഴിയുമ്പോ ജീവിതം തന്നെ മടുത്തിരുന്നു., സ്നേഹിച്ച പെണ്ണിന് വേറാരോടോ ഉള്ള ഇഷ്ട്ടം എന്നെ തകർത്തിരുന്നു. രുദ്ര എന്നത് വെറും പേരായിരുന്നില്ല., എന്റെ ഹൃദയത്തിൽ പതിഞ്ഞുപ്പോയ അക്ഷരങ്ങൾ ആയിരുന്നു…..!! ഒരു വർഷം വെറുതെ കളഞ്ഞിരുന്നു ഞാൻ, ആ ദുഃഖവും പേറി. കണ്ട സിനിമകൾക്കോ പോയ യാത്രകൾക്കോ എന്റെ സങ്കടത്തെ മുഴുവനായും കുഴിച്ച് മൂടാനായില്ല. വാടിയ ഇലകൾ കൊഴിഞ്ഞു പോകും വേഗതയിൽ ദിവസങ്ങളും കൊഴിഞ്ഞു കൊണ്ടേയിരുന്നു ഒരാര്ഥവും ഇല്ലാതെ…..!!