❤️ദേവൻ ❤️part 18 [Ijasahammed] 252

നെറ്റിയിലായി ചുണ്ടമർത്തി കൊണ്ട് അരികിലായി ചേർന്നുകിടന്നു…

എപ്പോഴോ മയക്കത്തിലേക്ക് ഊർന്നുവീണു..

കവിളിൽ ഒരു തണുപ്പ് പടർന്നത് അറിഞ്ഞ് പതിയെ കണ്ണ് തുറക്കുമ്പോൾ എന്നെ നോക്കികൊണ്ട് തലക്ക് കൈകുത്തി കിടക്കുന്ന
ദേവേട്ടനെ മുന്നിൽ കണ്ടു..

ആ കണ്ണിലേക്കു നോക്കി കണ്ണുതിരുമ്മി കൊണ്ട് ഞാനൊന്ന് ചിരിച്ചു…

മറുപടിയായി ഒരുചിരിയോ സംസാരമോ ഇല്ലാതെ എന്നെ നോക്കികൊണ്ട് അതേ കിടപ്പ് തുടർന്ന ദേവേട്ടനിലേക്ക് ഞാൻ ഒന്നൂടെ ചേർന്നു കിടന്നു…

“ശിവാ.. “”

“ദേ ദേവേട്ടാ…

വേണ്ടാത്ത വല്ല വർത്താനം പറയാനാണേല് മിണ്ടണ്ട .. ”

പതിയെ ആ നനുത്തശബ്ദം ചെവിയിലമർന്നതും തലയുയർത്തി ഞാൻ പറഞ്ഞു…

തലചെരിച്ചു കൊണ്ട് ദേവേട്ടൻ ഉറക്കെ ചിരിച്ചത് കണ്ട് അമ്പരപ്പോടെ ഞാൻ നോക്കി …

“ചിരിക്കണ്ട..

ആ വിളികേൾക്കുമ്പോ പേടിയാ നിക്ക് ഇപ്പൊ. . !!”

അല്പം മുഖം കൂർപ്പിച്ചു
ഞാൻ പറഞ്ഞു..

“എന്താ ചെയ്യാ.. ഇങ്ങനെ ഒരുത്തന്റെ കൂടെ ജീവിക്കാൻ നിന്നിട്ടല്ലേ…? “”

ആ പറഞ്ഞത് കേട്ടപ്പോ ശെരിക്ക് ദേഷ്യം വന്നു…

കിടന്നിടത്ത് നിന്ന് എഴുന്നേറ്റു കൊണ്ട് എണീക്കാൻ തുനിഞ്ഞപ്പോഴേക്കും ആ കൈകൾ എന്നെ ചുറ്റിവരിഞ്ഞിരുന്നു..

……….

“മ്മക്ക്..
മ്മക്ക് നന്ദയേകൂടെ ങ്ങട് കൊണ്ടുന്നാലോ ദേവേട്ടാ ..?? ”

എപ്പോഴോ ഞാൻ ആ നെഞ്ചിലേക്ക് ചായ്ഞ്ഞുകൊണ്ട് ചോദിച്ചു..

ഒന്നും മനസ്സിലാവാത്ത ഭാവേന ദേവേട്ടൻ എന്നെ ഇരുത്തി നോക്കി..

“മ്മക്ക് വളർത്താ ദേവേട്ടാ അവളെ നമ്മളെ കുഞ്ഞായിട്ട്… “