ആതിര 4

Aathira Part 4 | Author : Adithyan | Previous Part

 
ആമുഖം

*********

വായിക്കുന്നവർ ദയവായി അഭിപ്രായം പറയാൻ ശ്രെമിക്കണം അത് പോസിറ്റീവ് ആയാലും നെഗറ്റീവായാലും

ഇഷ്ടപെട്ടാൽ ഹൃദയം ചുവപ്പിക്കാനും മറക്കരുത്

 

********

രണ്ടുദിവസം കൂടെ അവധിയായിരുന്നു,, അവളെക്കുറിച്ചുള്ള ചിന്തകളെ മാറ്റിയെടുക്കാൻ പരമാവധി ഞാൻ ശ്രെമിച്ചു,,, എനിക്കും നിവേദ്ധിതയ്ക്കും മാത്രമറിയുന്ന ആതിരയോട് തോന്നിയോരിഷ്ടം ,, അത് മാറ്റാരുമറിയാതെ അങ്ങനെ തന്നെ മറന്നേക്കാൻ ഞാൻ തീരുമാനിച്ചു.

 

പിറ്റേദിവസം സാധാരണപോലെ രാവിലെയുള്ള ഫ്രണ്ട്സിന്റെകൂടെയിരുന്നുള്ള വായിനോട്ടം,ടീച്ചർ ഘോരം ഘോരം ക്ലാസ്സ്‌ എടുക്കുമ്പോഴുള്ള ബാക്ക് ബെഞ്ചിലെ അടക്കം പറച്ചിലുകൾ ഉറക്കം അങ്ങനെ എല്ലാംകൊണ്ടും ഒന്നും സംഭവിച്ചിട്ടില്ലാത്തപ്പോലെ ഞാൻ പരമാവധി നടന്നു.

 

പക്ഷെ വരാനുള്ളത് വഴിയിൽത്തങ്ങില്ലല്ലോ, പറഞ്ഞു പിന്തിരിപ്പിക്കാൻ ശ്രെമിച്ചവള് തന്നെ എനിക്കിട്ട് പണി തന്നു.

 

ഇന്റർവെൽ സമയത്തു തൊട്ടടുത്തുള്ള ഒഴിഞ്ഞ ക്ലാസ്സ്‌മുറിയിൽ ഞങ്ങൾ കുറച്ചു അമ്പിള്ളേര് ആർക്കും ശല്യമില്ലാതെ വെറുതെ ഫോണേൽ സിനിമയും കണ്ടു പാട്ടുംകെട്ടു രസിച്ചിരിക്കുമ്പോഴാണ് ക്ലാസ്സിന്റെ പുറത്തീന്ന് വിഷ്ണു എന്നുവിളിച്ചൊരു കിളി ശബ്ദം,,,സത്യം പറഞ്ഞാൽ എനിക്കുപോലും ഇഷ്ടമല്ലാത്ത എന്റെപേര് ഇത്രയും ഭംഗിയുള്ളതായി തോന്നിയിട്ടുള്ളത് അവള് വിളിച്ചുകെട്ടിട്ടുള്ളപ്പോൾ മാത്രമാണ്.

 

ശബ്‌ദം കേട്ടോപ്പോൾ തന്നെ നെഞ്ച് ആവിശ്യമില്ലാതെ പിടച്ചു,, എന്തോ ഒരു കുളിരും പേടിയും,, അങ്ങനെ പേടിച്ചിരുന്നാൽ ഒക്കില്ലല്ലോ അതുകൊണ്ട് രണ്ടുംകല്പിച്ചു ഞാൻ പുറത്തിറങ്ങി,,ആഹാ അത്രയും ഭംഗിയുള്ളൊരു ചിരിയോടെ എന്നെത്തന്നെ നോക്കിനിൽകുന്ന അവളെയാണ് കണ്ടത്,, കൂടെ നിവേദിതയും ഉണ്ട് ,,എല്ലാംമറന്നു ആ ഭംഗി ആസ്വദിച്ചു കൊണ്ടിരിക്കുമ്പോൾ ദേ വരുന്നു അവളുടെ വക ചോദ്യം.

 

“”വിഷ്ണു.. നിനക്കെന്നെ ഇഷ്ടമേണെന്നു കേട്ടു “”

മുഖത്തു തെളിഞ്ഞ കുസൃതിചിരിയോടെ അവൾ ചോദ്യഭാവത്തിൽ എന്നെനോക്കി

 

കുറച്ചുമുമ്പ് ഉണ്ടായിരുന്നത് പേടിയായിരുന്നു എങ്കിൽ ഇപ്പോൾ എനിക്ക് ചമ്മലാണ് തോന്നിയത് ,,,കാര്യം ഇത് ചോദിക്കനാവും അവളുവിളിക്കുന്നത് എന്നറിയാമായിരുന്നു എങ്കിലും ഇവള് ഇത്ര ഓപ്പണായിട്ട് ചോദിക്കുമെന്ന് സ്വപ്നത്തിൽ പോലും ഞാൻ വിചാരിച്ചിരുന്നില്ല,,,അവള് ചോദിച്ചതിന് ആണെന്നോ അല്ലെന്നോ ഉത്തരം പറയാനെനിക്ക് പറ്റിയില്ല