✨️നേർമുഖങ്ങൾ✨️(3) [മനോരോഗി 2.0] 161

രാത്രി ബ്ലോക്ക്‌ ഇല്ലാത്തത് കൊണ്ട് തന്നെ പന്ത്രണ്ടരയോടെ അവൻ നാട്ടിലെത്തി…ബ്ലോക്ക്‌ ഉണ്ടായിരുന്നേൽ ഇനിയും രണ്ട്മണിക്കൂർ വൈകിയേനെ.. എന്നാൽ സ്വന്തം വീട്ടിൽ പോവുന്നതിനു മുന്നേ അവൻ ചെന്നത് അവളുടെ വീട്ടിലേക്കായിരുന്നു.. കൃഷ്ണേന്ദുവിന്റെ വീട്ടിലേക്ക്… കൂത്തുപറമ്പിലേക്ക്..

ലൈറ്റ് എല്ലാം ഓഫ്‌ ആയതിനാൽ അവനും ഇച്ചിരി ധൈര്യം ഉണ്ടാരുന്നു… അവിടെയുള്ള ഇലക്ട്രിക്കൽ പോസ്റ്റിലുള്ള ലൈറ്റ് കാരണം തന്നെ ആരെങ്കിലും കാണുമോ എന്നുള്ള ഭയം അവന് തോന്നാതിരുന്നില്ല… ബൈക്ക് ആളൊഴിഞ്ഞയൊരു പറമ്പിലേക്ക് കയറ്റി വച്ച ശേഷം ഒച്ചേണ്ടാക്കാതെ അവൾടെ വീടിന്റെ പറമ്പിലേക്ക് കയറി…

സൈഡിലുള്ള മതിലിൽ കേറിയാൽ എളുപ്പത്തിൽ സൺ‌ഷേഡിൽ കയറാം.. അതുകൊണ്ട് അതുവഴി തന്നെ അവൻ മേലോട്ട് കയറി.. ബാൽക്കണി പിടിച്ച് അവളുടെ റൂമിന്റെ ഭാഗത്തേക്ക് ശ്രദ്ധിച്ചു നടന്നു…

ജനവാതിൽ ചാരിയിട്ടേ ഉണ്ടാരുന്നുള്ളൂ… അവനത് തുറന്നു… അതിലൂടെ ബെഡിൽ ഒന്നുമറിയാണ്ടുറങ്ങുന്ന തന്റെ പെണ്ണിനെ കണ്ടപ്പോ അവനവളെ പിടിച്ചിരുത്തി കൊഞ്ചിക്കാൻ തോന്നി… അവളുടെ സ്വഭാവം ഓർത്തപ്പോ വേണ്ടാന്നും…

” കിച്ചൂസേ, കിച്ചൂസേ ”

പതിഞ്ഞ ശബ്‌ദത്തിൽ അവൻ വിളിച്ചു…