✨️നേർമുഖങ്ങൾ✨️(3) [മനോരോഗി 2.0] 161

അങ്ങനെ അവിടുന്ന് നേരെ പോയത് ഓഫീസിലേക്കാണ്…. അവിടെ ചെന്ന്  റൂമിന്റെ കീ ഗൗരിയുടെ കയ്യിൽ ഏല്പിച്ച ശേഷം എല്ലാരോടും യാത്രയും പറഞ്ഞ് അവനിറങ്ങി…

ഇവിടുന്ന് ഏകദേശം പന്ത്രണ്ട് മണിക്കൂർ ഓട്ടമുണ്ട്… രാത്രിയോട്ടം ഉള്ളതിനാൽ ആ സമയത്ത് ബ്ലോക്കും കാര്യങ്ങളും കുറവായിരിക്കും എന്നതുകൊണ്ട് ആ കാര്യത്തിൽ അവനാശ്വാസമായി…

ദൂരയാത്ര ആയതിനാൽ അത്യാവശ്യം കാടുള്ള വഴിയേ പോവാനായിരുന്നു അവന് താല്പര്യം..

അതിനാൽ ഷോളഗിരി –  തെങ്കനിക്കോട്ടയ്  വഴി തന്നെ അവൻ തിരഞ്ഞെടുത്തു… പാതയോരത്തെ തട്ട്കടയിൽ നിന്ന് കാലിച്ചായ കുടിച്ചും  അത്യാവശ്യം വൃത്തിയുണ്ടെന്ന് തോന്നിയതിനാൽ ഒരു ഹോട്ടലിൽ കയറി ലൈറ്റ് ആയി ഫുഡും കഴിച്ച് അവൻ യാത്ര തുടർന്നു… ആദ്യമായിട്ടായിരുന്നു ഇങ്ങനൊരു രാത്രിയാത്ര എന്നതിനാൽ വളരെ ആസ്വദിച്ചു തന്നെ മുന്നോട്ടേക്ക് നീങ്ങിക്കൊണ്ടിരുന്നു…

അവന്റെ ആ യാത്രയുടെ മധുരം തകർക്കാൻ താല്പര്യമില്ല എന്നോണം ആ സമയത്ത് അവനെ ആരും വിളിച്ചില്ല എന്നതുമൊരത്ഭുതമായിരുന്നു..