” എന്തായി മാതാശ്രീ ഭോജനം പാകമായോ ”
” ഇപ്പോ കാലമാവും മഹാരാജൻ ”
അമ്മ അതുംകൂടെ പറഞ്ഞപ്പോ രണ്ടുപേരും ചിരിച്ചു…
അവിടുന്ന് നേരെ അവൻ ഉമ്മറത്തേക്ക് ചെന്നു..
അപ്പോ അച്ഛൻ ചെടികൾക്കൊക്കെ വെള്ളം നനക്കുന്ന തിരക്കിലായിരുന്നു…
” അച്ഛനിന്ന് പോണില്ലേ ”
” ഹാ പോണം പോണം.. സമയം ആവുന്നല്ലേ ഉള്ളൂ ”
വീണ്ടും അവർ എന്തൊക്കെയോ സംസാരിച്ചു..
പക്ഷേ എന്തോ ഒരു അകൽച്ച തമ്മിൽ തമ്മിൽ ഉള്ളത് രണ്ട്പേർക്കും മനസിലായി…
അപ്പോഴാണ് ദെച്ചു കോളേജിലേക്ക് പോവാൻ റെഡി ആയി അങ്ങോട്ടേക്ക് വന്നത്…
” നീയെങ്ങോട്ടാ ഇപ്പോ ”