✝️The NUN 4✝️ (അപ്പു) 215

 

അതിന് ശേഷം കുഞ്ഞിന് നാല് മാസം പ്രായമുള്ളപ്പോൾ അവർ തിരിച്ച് ആ നാട്ടിൽ വന്നു… ‘ദൈവ’പുത്രനായി ജനിച്ചവൻ തന്റെ അനുയായികളെ നയിക്കേണ്ടവനാണെന്ന് തീരുമാനിച്ചാണ് അന്ന് പോൾ നാട്ടിലേക്ക് തിരികെ വന്നത്…

 

അന്ന് രാത്രി, ഈ സംഭവങ്ങൾക്കെല്ലാം കാരണമായ ആ ദിവസം രാത്രിയിൽ പോൾ ജെസ്സിയോട് തന്റെ പദ്ധതികളെല്ലാം പറഞ്ഞു… അവന്റെ ചിന്തകളും പ്രവൃത്തികളും എല്ലാം അവൾക്ക് ഉൾക്കൊള്ളാനായി പക്ഷെ അവസാനം അവൻ ചോദിച്ചത് മാത്രം അവൾ കൊടുത്തില്ല…

 

‘തന്റെ മകനെ..!”

 

അവൾ ശക്തമായി തർക്കിച്ചു… അവളുടെ കണ്ണുനീർ കാണുന്നത് സഹിക്കാനാവാത്ത പോളിന് മനസ്സുകൊണ്ട് ആ തീരുമാനം ഉപേക്ഷിക്കേണ്ടി വന്നു…

 

ഒരുപാട് സ്നേഹിക്കുന്ന തന്റെ പൊന്നുമോനെ തെറ്റിന്റെ വഴിയിൽ വളർത്തിയെടുക്കാൻ താല്പര്യമില്ലായിരുന്ന ജെസ്സി തന്നെ എന്തൊക്കെയോ പറഞ്ഞ് സമാധാനിപ്പിച്ചുകൊണ്ടിരുന്ന പോളിനെ തള്ളിമാറ്റി സ്വന്തം മുറിയിലേക്ക് ഓടിപ്പോയി മകന്റെ അടുത്ത് നിന്ന് കരഞ്ഞുകൊണ്ടിരുന്നു…

 

“ആാാാാ…..!!” പെട്ടന്നാണ് ഹാളിൽ നിന്ന് പോളിന്റെ കരച്ചിൽ കേട്ടത്… അവൾ ഒന്ന് ഞെട്ടി… പെട്ടന്ന് കണ്ണ് തുടച്ച് അവൾ ഹാളിലേക്ക് ചെന്നു…

 

അവിടെ കണ്ട കാഴ്ച അവളെ ഭയപ്പെടുത്തി… നിലത്ത് തലയിൽ നിന്ന് ചോരയോലിപ്പിച്ച് കിടക്കുന്ന പോൾ… അവനുചുറ്റും വലിയ ഇരുമ്പ് കമ്പികളും കത്തികളുമായി നിൽക്കുന്ന അഞ്ചുപേർ…

 

അവരെയെല്ലാം അവൾക്കറിയാം… പലയിടത്തും വെച്ച് അവൾ അവരെ കണ്ടിട്ടുണ്ട്… കള്ളിമുണ്ടും അലസമായി ധരിക്കുന്ന ഷർട്ടുമായി നടന്നിരുന്ന അവരെ പണ്ടേ അവൾക്ക് പേടിയായിരുന്നു…

 

ഇന്ന് അതേ വസ്ത്രങ്ങളോടെ ക്രൂരമായ മുഖത്ത് വഷളൻ ചിരിയും കത്തിച്ച സിഗരറ്റുകളുമായി അവർ തന്നെ നോക്കിനിൽക്കുന്നു…