✝️The NUN 4✝️ (അപ്പു) 215

 

അതിന്റെ അവസാനചടങ്ങാണ് നരബലി…. അത് പൂർത്തിയാക്കുവാൻ പോൾ തിളങ്ങുന്ന നീളമുള്ള ഒരു വാൾ കയ്യിലെടുത്തു… ഒരു പ്രത്യേക ഭാഷയിൽ പ്രാർഥനകൾ ചൊല്ലി അവൻ മുന്നിൽ നിന്ന ആളുകളെ നോക്കി… അവരെല്ലാം പോളിന്റെ അവസാന ബലിയുടെ ആവേശത്തിലായിരുന്നു… കാരണം 666 ജീവനുകൾ ബലിനൽകിയാൽ സാത്താൻ അവനുമുന്നിൽ പ്രത്യക്ഷപ്പെടുമെന്ന് അവൻ ഉറച്ച് വിശ്വസിച്ചിരുന്നു…

 

അവസാന അനുവാദമെന്നോണം അവൻ അന്റോണിയോയെ നോക്കി… മകന് ലഭിക്കാൻ പോവുന്ന പൈശാചിക ശക്തിയോർത്ത് അയാളും ആവേശത്തിലായിരുന്നു… അയാൾ ഒരു ചിരിയിലൂടെ അനുവാദം കൊടുത്തു…

 

പോൾ അവന് മുന്നിൽ കിടന്നിരുന്ന സ്ത്രീക്ക് നേരെ വാളുയർത്തി … പക്ഷെ തൊട്ടടുത്ത നിമിഷം അവന് മുന്നിൽ നിന്ന എല്ലാവരും പകച്ചുപോയി… കാരണം ഉയർന്നുപൊങ്ങിയ ആ വാൾ താഴ്ന്നത് അന്റോണിയോയുടെ നേർക്കാണ്…

 

അടുത്ത് നിന്ന അവന്റെ പിതാവായ അന്റോണിയോയുടെ കഴുത്ത് മുറിച്ചുകൊണ്ട് ആ വാൾ മറുപുറത്തെത്തി… അതുവഴി പോൾ തന്റെ അവസാനബലി പൂർത്തിയാക്കി….

 

സ്വന്തം കഴുത്തിൽ നിന്ന് തല വേർപെട്ടത് അന്റോണിയോ പോലും അറിഞ്ഞിട്ടുണ്ടാവില്ല… അത്ര വേഗത്തിലായിരുന്നു ആ നീക്കം…

 

എന്താണ് സംഭവിക്കുന്നതെന്നറിയാതെ അവന് മുന്നിലുള്ളവർ പകച്ചുനിന്നു… പക്ഷെ ഹെർബർട്ട് മാത്രം ആ നിമിഷം ഒന്ന് ഞെട്ടി കണ്ണടച്ചതേയുള്ളൂ… എന്താണ് സംഭവിക്കുകയെന്ന് അയാൾക്കറിയാമായിരുന്നു…

 

പോൾ അവിടേക്ക് വരുന്നതിന് മുന്നേ അവനുമായി നടന്ന സംഭാഷണം അയാൾ ഓർത്തു…

 

“നമ്മുടെ സ്വന്തമല്ലാത്ത ഒരു സമ്മാനം കൊടുക്കുന്നതാണോ നമ്മുടെ സ്വന്തമായത് കൊടുക്കുന്നതാണോ ഒരാളെ പ്രീതിപ്പെടുത്താൻ എളുപ്പമാർഗം…??” ചടങ്ങുകൾക്കുള്ള വസ്ത്രം ധരിച്ച് മുറിയിൽ നിന്നിറങ്ങാൻ തുടങ്ങുന്ന സമയത്ത് പോൾ ഹെർബ്ർട്ടിനോട് ചോദിച്ചു…

 

“നമുക്ക് സ്വന്തമായത് കൊടുക്കുന്നത്…!” ഹെർബർട്ട് മറുപടി പറഞ്ഞു…