✝️The NUN 4✝️ (അപ്പു) 215

അവസാനം മണിക്കൂറുകൾക്ക് ശേഷം അവർ മടങ്ങിയപ്പോൾ ചലനമില്ലാത്തവനായി അവൻ അഭിനയിച്ചു… അവരോരുത്തരുടെ മുഖങ്ങളും അവൻ പകയോടെ മനസ്സിൽ കുറിച്ചു…

ഗ്യാസ് പൊട്ടിത്തെറിച്ചുണ്ടായ അപകടമെന്ന് വരുത്തിതീർക്കാൻ ആ വീട്ടിലുണ്ടായിരുന്ന ഗ്യാസ് തുറന്ന് വിട്ട് അവർ പോയി… ആ വീട്ടിലേക്കുള്ള ഒരു ലൈനിൽ ഷോർട്സർക്യൂട്ട് ആക്കി പൊട്ടിത്തെറി ഉണ്ടാക്കാനായിരുന്നു അവരുടെ പദ്ധതി…

പക്ഷെ അവർ പോയെന്ന് ഉറപ്പായതും ഏന്തിവലിഞ്ഞ് വേദനയോടെ ചെന്ന് പോൾ ആ ഗ്യാസ് പൂട്ടിവെച്ചു… ശേഷം അവൻ ജെസ്സിയുടെ അടുത്തേക്ക് ചെന്നു…

അവളുടെ രൂപം കണ്ട അവന്റെ ചങ്ക് തകർന്നുപോയി… മാലാഖയുടേത് പോലെയുള്ള ആ മുഖം അടിയുടെയും നഖത്തിന്റെയും പാടുകൾ കൊണ്ട് വികൃതമായിപ്പോയിരുന്നു… ചവിട്ടിയരച്ച കൈപ്പത്തിയും കാലുകളും… അവളുടെ ആ കിടപ്പ് കണ്ട് അവൻ വാവിട്ട് നിലവിളിച്ചു… കീറിമുറിഞ്ഞ ആ ശരീരത്തിൽ നെഞ്ചോട് ചേർത്ത് പിടിക്കാൻപോലും ഒരിടമില്ലായിരുന്നു…

സ്നേഹത്തോടെ താൻ നോക്കിയിരുന്ന കണ്ണുകൾ തുറിച്ച് കൺപോളകൾ വീർത്തിരുന്നു… ചിരിക്കുമ്പോൾ അവളുടെ സൗന്ദര്യം കൂട്ടിയിരുന്ന കവിളുകൾ അടികൊണ്ട് ചോരചത്ത് കിടക്കുന്നു… പ്രണയത്തോടെ താൻ ചുംബിച്ച ചുണ്ടുകൾ മുറിഞ്ഞ് വായിൽ ചോര നിറഞ്ഞിരിക്കുന്നു…

പോൾ നെഞ്ചുതകർന്ന് കരഞ്ഞു…

അവന്റെ മനസ്സിൽ പക നീറിനിറഞ്ഞു… കൊടിയ പക… അവന്റെ മനസ്സ് വീണ്ടും ചെകുത്താനിലേക്ക് തിരിഞ്ഞു… അന്ന് രാത്രി തന്നെ കുഞ്ഞിനേയും ജെസ്സിയുടെ ശവശരീരവും അവൻ അവിടെനിന്നു മാറ്റി…

ചങ്ക് പിടയുന്ന വേദനയോടെ അടങ്ങാത്ത പകയോടെ അവൻ ആ വീട്ടിൽ തിരിച്ചെത്തി… അവർ തീരുമാനിച്ചതുപോലെ ഗ്യാസ് ഓൺ ചെയ്ത് സ്വയം തീപടർത്തി അവൻ സ്വന്തം ആത്മാവിനെ പിശാചാക്കി മാറ്റി… ‘ദുരാത്മാവല്ല സാക്ഷാൽ ചെകുത്താൻ’….

അവനെയാണ് നീ പിടിച്ചുകെട്ടേണ്ടത്….!!”