സഖിയെ ഈ മൗനം നിനക്കായ് 4 💞💞💞[നൗഫു] 4005

മണ്ണാർക്കാട് കഴിഞ്ഞ് ഇരുമ്പകചോല റോഡിലേക്ക് അജയ് താർ തിരിച്ചു.. കുറച്ചു മുന്നോട്ടു പോയ ശേഷം ഓരോ ചായകുടിക്കാനായി ഒരു ചായക്കടയിൽ വണ്ടി നിർത്തിയിറങ്ങി…

“ചേട്ടാ നാല് ചായ..”

പീവി നാലുപേർക്കുമായി ചായക്കോർഡർ കൊടുത്തു..

“എടാ പീവി.. ഒന്ന് വിത്ത് ഔട്ട്‌ പറ..”

രാജീവ്‌ പീവിയെ ഓർമിപ്പിച്ചു..

“സാർ ആരാണ് കൊല്ലപ്പെട്ടത്..?”

കുറച്ചു നേരമായി ഉള്ളിൽ കിടന്നു മറിയുന്ന സംശയം അജയ് രാജീവിനോട് ചോദിച്ചു..

“അറിയില്ല.. ക്രിസ്ത്യൻ കോളേജിൽ ഫസ്റ്റ് ഇയർ സ്റ്റുഡന്റാണ്‌ എന്ന് തിരിച്ചറിഞ്ഞിട്ടുണ്ട്..”

“സർ.. മറ്റു മൂന്നു പേരും ജീവനോടെ ഉണ്ടോ.. അവരെപ്പറ്റി എന്തെങ്കിലും വിവരം.. ??”

“അറിയില്ല..”

“എങ്കിൽ നമുക്കിവിടെ നിന്ന് തന്നെ തുടങ്ങിയാലോ..?”

എസ്‌ഐ സുജീഷ് അവരുടെ സംസത്തിനിടയ്ക്കു കയറിയൊരു ചോദ്യമെറിഞ്ഞു..

“യെസ് സുജീഷ്, പെട്ടന്നാവട്ടെ.. പാലക്കാട് എസ്പി നമ്മളെ കാത്തവിടെ നിൽക്കുന്നുണ്ട്..”

“ചേട്ടാ.. ഇരുമ്പകചോല മലയിൽ നടന്ന കൊലപാതകം അറിഞ്ഞു കാണും അല്ലെ..”

ചായയുടെ പൈസ നീട്ടിക്കൊണ്ട് സുജീഷ് കടക്കാരനോട് ചോദിച്ചു..

“ആ.. നിങ്ങളാരാ.. പത്രക്കാരാണോ മക്കളെ..”

“അതെ ചേട്ടാ.. ഇന്നലെ അവരെ ഈ വഴിയിൽ ചേട്ടൻ കണ്ടിരുന്നോ..?”

—{}—{}—{}—{}—{+}—{}—{}—{}—{}—

അഹ്ഫദ് അ ശൈത്തൻ (പിശാചിന്റെ സന്തതിക )

കോഴിക്കോട് ജില്ലയിലെ അടിവാരത്തു നിന്നും വയനാടൻ കാടുകളിലേക്കുള്ള ഉൾവഴികളിലൂടെ മുപ്പത് കിലോമീറ്ററോളം ഉള്ളിലായി പകൽ സമയത്തു പോലും ഇരുട്ട് മൂടിക്കിടക്കുന്ന വഴിയിലൂടെ മാത്രം എത്തിപ്പെടാൻ കാണുന്ന ഒരു പഴയ കോട്ട.. മരങ്ങളുടെ മറവു കാരണം പുറത്തു നിന്ന് നോക്കിയാൽ ആ കോട്ട കാണാൻ കഴിയില്ല..