സഖിയെ ഈ മൗനം നിനക്കായ് 4 💞💞💞[നൗഫു] 4005

സ്പെഷ്യൽ ബ്രാഞ്ചിലായിരുന്നപ്പോ എന്ത് സുഖമായിരുന്നു.. രാവിലെയും വൈകീട്ടും റിപ്പോർട്ടുകൾ വായിച്ചു അത് നേരെ കമ്മീഷണർക്കയച്ചു കൊടുത്തു കറങ്ങുന്ന കസേരയിലിരുന്നു സുഖമായി ഉറങ്ങാമായിരുന്നു.. ഇതിപ്പോ വല്ലാത്തൊരു പണിയായിപ്പോയി.. ഓഫീസിലിരുന്നും വൈകീട്ടൊരോന്നും പിടിപ്പിച്ചു വീട്ടിലും സുഖമായുറങ്ങുന്നതൊക്കെ അടുത്ത കുറച്ചു മാസങ്ങളെങ്കിലും വെറും ഓർമ്മകൾ മാത്രമാവും.. ഞാനായിട്ട് തന്നെ തുടങ്ങിവെച്ച സ്ഥിതിക്ക് ഇനിയിതൊരറ്റം കാണാതെ ഒരു സമാധാനം കിട്ടാനും പോണില്ല.. വേണ്ടായിരുന്നു പുല്ല്..!! ഫർസാന കേസിലെ സമാന്തരമായുള്ള അന്വേഷണമൊന്നും വേണ്ടായിരുന്നു..!!

പ്രഭാത ഭക്ഷണമായ രണ്ടു കുറ്റി പുട്ടും കൂടെ രണ്ടേത്തപ്പഴവും പിന്നെ വായ്‌ക്കൊരാശ്വാസത്തിനു ഇടയ്ക്കു രണ്ടു ഗ്ലാസ് ബൂസ്റ്റും ആസ്വദിച്ചു കഴിക്കുന്ന സമയം എസിപി രാജീവിന്റെ മനസ്സിലങ്ങനത്തെ ചിന്തകൾ കുമിഞ്ഞു കൂടുകയായിരുന്നു..!!

—{}—{}—{}—{}—{+}—{}—{}—{}—{}—

കോഴിക്കോട് പാലക്കാട്‌ നാഷണൽ ഹൈവേ..

രാമനാട്ടുകര സിഗ്നലിൽ നിന്നും രാജീവിന്റെ മഹേന്ദ്ര താർ വളരെ വേഗത്തിൽ പാലക്കാട് മണ്ണാർക്കാട് ലക്ഷ്യമാക്കി കുതിച്ചു കൊണ്ടിരിക്കുന്നു.. സിഐ അജയാണ് വണ്ടിയോടിക്കുന്നത്.. കൂടെ മുന്നിൽ എസിപി രാജീവും പിന്നിലായി എസ്‌ഐമാരായ സുജീഷും രാഹുലുമിരിക്കുന്നു.. എല്ലാവരും സിവിൽ ഡ്രെസ്സിലാണ്..

ഗഹനമായ എന്തോ ചിന്തയിലാണ് രാജീവ്.. സാധാരണയായി കാണാറുള്ള സരസഭാവം മാറി അദ്ദേഹത്തിന്റെ മുഖം വലിഞ്ഞു മുറുകിയിട്ടുണ്ട്.. ആരും തമ്മിൽ തമ്മിൽ ഒന്നും മിണ്ടുന്നില്ല..

“സർ..”