സഖിയെ ഈ മൗനം നിനക്കായ് 4 💞💞💞[നൗഫു] 4005

ആകാശത്ത് നിന്നും ചന്ദ്രന്റെ വെള്ളി വെളിച്ചം ആ മലയിൽ ചെറിയൊരു വെട്ടം തൂവി നിൽക്കുന്നു..

“നാല് പേരെയും വേണോ..”

ജോക്കറിന്റെ മുഖം മൂടിയണിഞ്ഞയാൾ മൈക്രോ ഫോണിലൂടെ അപ്പുറത്തുള്ള ആളോട് ചോദിച്ചു..

“വേണ്ട ഒരാളെ കൊണ്ട് വരിക.. ബാക്കി മൂന്നു പേരെ ഇവളെ സ്വീകരിക്കാൻ സ്വർഗത്തിലേക്ക് പറഞ്ഞയച്ചേക്ക്..”

“ആരെ വേണം…”

“നിനക്കറിയില്ലേ.. ഹ്മ്മ്.. അവളെ തന്നെ.. നമ്മെ കൊച്ചാക്കി ആ കോളജ് മുഴുവൻ പറഞ്ഞു ചിരിപ്പിച്ചില്ലേ അവളെ..”

—{}—{}—{}—{}—{+}—{}—{}—{}—{}—

അടുത്ത ദിവസം രാവിലെ ആറു മണി..

മൊബൈൽ ഫോൺ ബെല്ലടിക്കുന്നത് കേട്ടാണ് എസിപി രാജീവ് ഉണർന്നത്.. ഇന്ദു മാഡം കാളിങ് എന്ന് ഡിസ്പ്ളേയിൽ കണ്ട രാജീവ് ഉറക്കം വിട്ടെഴുന്നേറ്റ് അറ്റൻഷനായി കോളറ്റൻഡ് ചെയ്തു..

“ഗുഡ് മോർണിംഗ് മാഡം..!!“

“——–.——.—-.—.–”

“യെസ് മാഡം..”

“——–.——.—-.—.–”

“ഓക്കേ ഇപ്പൊത്തന്നെ പുറപ്പെടാം മാഡം ..”

ആ കോളവസാനിച്ച ഉടനെ തന്നെ രാജീവ്‌ ഫർസാന കേസന്വേഷണത്തിനായി രൂപീകരിച്ച എല്ലാ ടീമംഗങ്ങളുമായി ബന്ധപെട്ടു.. എല്ലാവരോടും രാവിലെ ഏഴു മണിക്ക് തന്നെ അദ്ദേഹത്തിന്റെ ഓഫീസിലെത്താൻ നിർദേശിച്ചു..

രാജീവ് ക്ഷണവേഗത്തിൽ പ്രഭാത കൃത്യങ്ങൾ നിർവഹിച്ചു ഓഫിസിലേക്കിറങ്ങാൻ തയ്യാറായി..

ഇതൊരു തലവേദന നിറയുന്ന കേസായി തീർന്നിരിക്കുന്നു.. രാവിലെ ഐജി ഇന്ദു മാഡം പറഞ്ഞ കാര്യങ്ങളാലോചിച്ചു തല പെരുക്കുന്നുണ്ട്.. എല്ലാ മിസ്സിംഗ്‌ കേസുകളും വിവാദമായ മർഡറുകളും അന്വേഷിക്കാൻ ഒരു പ്രത്യേക അന്വേഷണ ടീം ഉണ്ടാക്കിയിരിക്കുന്നു.. അതിനെ നയിക്കാൻ എന്നെത്തന്നെയേ കിട്ടിയുള്ളോ അവർക്ക്.. ശ്ശെ..!!