സഖിയെ ഈ മൗനം നിനക്കായ് 4 💞💞💞[നൗഫു] 4005

“ഒരു തുമ്പുമില്ലെന്നെങ്ങിനെ പറയും..?? പുതിയ കേസിലുള്ള നാല് പേരുടെയും ഡീറ്റെയിൽസ് നമുക്കറിയില്ലേ..?? പിന്നെ ഫർസാന കേസിൽപ്പെട്ട മൂന്നെണ്ണത്തിനെയും നമുക്കറിയാം.. ഇനി അവരല്ലാതെ മറ്റാരെങ്കിലും ഉൾപ്പെട്ടിട്ടുണ്ടെങ്കിലല്ലേ നമ്മൾ ബാക്കി നോക്കേണ്ടതുള്ളൂ..”

“സർ.. ഇനിയും കൂടുതൽ പേർ..”

സുജീഷായിരുന്നു അത് ചോദിച്ചത്…

“ഉണ്ടാവാം.. അല്ലെങ്കിൽ ഇത് മറ്റൊരു സംഘമാവാം..”

—{}—{}—{}—{}—{+}—{}—{}—{}—{}—

ദീർഘമായ ഉറക്കത്തിൽ നിന്നും ഉണരുന്നത് പോലെ മേനോൻ കുട്ടി തന്റെ കൈകൾ മൂരിനിവർത്തി എഴുന്നേറ്റു.. ഇന്നലെ രാത്രിയിൽ എന്താണ് സംഭവിച്ചതെന്ന് ഓർത്തു നോക്കുവാനായി കുട്ടി ശ്രമിച്ചു..

മെഡിക്കൽ കോളജ് റോഡിലേക്ക് കയറിയതായി നല്ലത് പോലെ ഓർമ്മയുണ്ട്.. ആ സമയം നല്ല മഴയും ഉണ്ടായിരുന്നു.. പെട്ടന്ന് ഒരു വണ്ടി മുന്നിൽ വന്ന് നിർത്തി റെയിൻകോട്ട് ധരിച്ച മൂന്നു പേർ ഇറങ്ങി വന്നു..

മഴയും രാത്രിയുമായത് കൊണ്ട് അവരുടെ മുഖം നന്നായി ശ്രദ്ധിക്കാൻ കഴിഞ്ഞില്ല..

“ഡോക്ടർ.. ഒരു ഹെൽപ് വേണം.. ഒരു ആക്‌സിഡന്റ് കേസ് ഉണ്ട് വണ്ടിയിൽ.. ബൈക്ക് മറിഞ്ഞതാണ്..”

അവരുടെ കൂട്ടത്തിലൊരുവൻ പറഞ്ഞു..

“ഓക്കേ.. നിങ്ങൾ മെഡിക്കൽ കോളജിലേക് കൊണ്ട് ചെന്നോളൂ.. ഞാൻ കാഷ്വാലിറ്റിയിൽ അറിയിക്കാം..”

“മെഡിക്കൽ കോളേജിൽ കൊണ്ട്പോകാൻ ചെറിയൊരു പ്രശ്നമുണ്ട് ഡോക്ടർ.. റൈഡർക്ക് പ്രായപൂർത്തിയായിട്ടില്ല.. ആ സ്ഥിതിക്കിതൊരു കേസായാൽ.. ഡോക്ടർക്കറിയാമല്ലോ..”

“നോ.. നിയമം വിട്ടിട്ട് ഞാനൊന്നും ചെയ്യില്ല.. നിങ്ങൾ എത്രയും പെട്ടെന്ന് മെഡിക്കൽ കോളേജിലേക്ക് കൊണ്ട് ചെല്ലൂ..”

“പ്ലീസ് ഡോക്ടർ.. ഞങ്ങളെ ഒന്ന് സഹായിക്കാൻ ഇപ്പൊ ഡോക്ടർക്ക് മാത്രമേ കഴിയു.. പണം എത്ര വേണങ്കിലും നൽകാം..”