സഖിയെ ഈ മൗനം നിനക്കായ് 4 ???[നൗഫു] 4490

“സോറി.. ഈ ഡോക്ടർ കുട്ടിയെക്കുറിച്ച് നിങ്ങളെന്താണ് കരുതിയത്.. പണം കണ്ടാൽ ചാടി വീഴുന്നവനാണെന്നോ.. എടൊ പിള്ളേരെ നിങ്ങളുടെ പണത്തിനു പോലും വാങ്ങാൻ കഴിയാത്ത ഒരുപാട് കാര്യങ്ങളുണ്ട് ഈ ഭൂമിയിൽ.. അതിലൊന്നാണീ ഡോക്ടർ കുട്ടി.. ഈ പണമെന്നത് എനിക്കാദ്യമേ പുൽകൊടിയുടെ വില പോലുമില്ലാത്ത സംഗതിയാണ്.. ആ എന്നെ പണം കാട്ടി മോഹിപ്പിക്കുന്നോ..”

അങ്ങനെയൊക്കെ പറയണം എന്നും കരുതി നാടകീയമായി കാറിന്റെ വാതിൽ തുറന്നു പുറത്തിറങ്ങിയ സമയത്ത് ആരുടെയോ കൈ മുഖത്തിനു നേരെ വന്നു കൂടെ ഒരു തൂവാലയും അത് തന്റെ മൂക്കിൽ വെച്ച് കുറച്ചു സെക്കൻഡ് വെച്ചു.. രണ്ടു പേര് പിന്നിൽ നിന്നും പിടിച്ചു വെച്ചതിനാൽ ഒന്നനങ്ങാൻ പോലുമായില്ല.. ഉണ്ടായിരുന്ന ബാക്കി ബോധവും പെട്ടന്ന് തന്നെ പോയി.. അത്രയും മാത്രം ഓർത്തെടുക്കാൻ പറ്റുന്നുണ്ട്..

എന്ത് മനുഷ്യന്മാരാണവർ.. എത്രയോ കാലമായി കാണാപ്പാഠമയക്കിയ മാസ് ഡയലോഗുകൾ ഒന്ന് പറയാൻ പോലും സമ്മതിച്ചില്ല മനഃസാക്ഷിയില്ലാത്ത തെണ്ടികൾ.. ഞാനിത് പറഞ്ഞു കഴിഞ്ഞിട്ട് ബോധം കെടുത്തിയാൽ പോരായിരുന്നോ തെണ്ടികൾക്ക്.. ഇനിയിങ്ങനെ ഒരവസരം ഒത്തു വരുമോ..? അവന്മാരുടെയൊക്കെ ആസനത്തിൽ നായ്ക്കരുണ അരച്ച് തേക്കണം..

അങ്ങനെയോരോന്നാലോചിച്ചു കൊണ്ട് മേനോൻ കുട്ടി കസേരയിൽ നിന്നും എഴുന്നേറ്റ് ചുറ്റും നോക്കി.. പിന്നെ അടുത്തു കണ്ട ചെറിയ ഡോർ തുറന്ന് അകത്തേക്ക് കയറി.. അതൊരു ബാത്റൂം ആയിരുന്നു.. പിന്നെയവിടുന്നു ഫ്രഷായി പുറത്തിറങ്ങി…

ആവി പറക്കുന്ന ചൂട് ചായ ആരോ ടേബിളിൽ കൊണ്ടുവെച്ചിട്ടുണ്ട്..!! കൂടെ രണ്ട് ഇംഗ്ലീഷ് ഡെയിലികളും..

—{}—{}—{}—{}—{+}—{}—{}—{}—{}—