സഖിയെ ഈ മൗനം നിനക്കായ് 4 ???[നൗഫു] 4433

കാറിൽ നിന്നും ഇറങ്ങി വീടിനകത്തേക്ക് കയറിയ ഹാഷിം അപ്പോഴും ആലോചനയിൽത്തന്നെയായിരുന്നു.. ഒന്നിന് പുറകെ ഒന്നായി ഓരോ പ്രശ്നങ്ങൾ.. എന്തിനാണിവർ എന്റെ പിന്നാലെ വരുന്നത്..?

ഇനി ഫർസാന പറഞ്ഞത് പോലെയാണെങ്കിൽ ഇതവർ തന്നെയാവാനാണ് സാധ്യത.. ആ മൂന്നു പേർ.. പക്ഷെ ഞാനെങ്ങനെ അവരെ ഒറ്റക്കെതിരിടും..? സമൂഹത്തിൽ ഉയർന്ന നിലയിൽ ജീവിക്കുന്ന ധനാഢ്യന്മാരുടെ മക്കളാണവർ.. എന്നെക്കൊണ്ടൊറ്റക്ക് കഴിയില്ല അവരോടെതിരിടാൻ.. ആരെങ്കിലും കൂടെയുണ്ടെങ്കിൽ..?? പറ്റുമോ..??

കൊല്ലണം.. ഫർസാന പറഞ്ഞ മൂന്നു പേരെയും കൊല്ലണം.. അതിനു സഹായമാവശ്യമാണ്..

ആരെ വിളിക്കുമെന്ന സംശയം ഉള്ളിലിട്ടു കൊണ്ട് ഹാഷിം ഫോൺ കയ്യിലെടുത്തു..

ഈ ഫോൺ ഇവിടെ വെച്ചത് നന്നായി.. ഇതിന്റെ നമ്പർ അങ്ങനെ ആരുടേയും കയ്യിലില്ല..

ഓരോന്നാലോചിച്ചിരിക്കെ അവനൊരാളെ ഓർമ വന്നു..

അതെ അവനു ചിലപ്പോ എന്നെ സഹായിക്കാൻ കഴിഞ്ഞേക്കും.. അന്ന് പെരുന്നാളിന്റെ തലേ ദിവസം.. ഫർസാനക്ക് അപകടം പറ്റി അവളെ ഹോസ്പിറ്റലിൽ കൊണ്ട് പോകുന്ന അതെ ദിവസം ഷോപ്പിൽ നിന്നും വരുന്ന വഴി അവനെ കണ്ട് സംസാരിച്ചു നിന്നാണ് നേരം വൈകിയത്..

അവൻ ഡൽഹിയിൽ എവിടെയോ ജോലി ചെയ്യുകയാണെന്നാണല്ലോ പറഞ്ഞത്.. അന്ന് ലീവ് കഴിഞ്ഞു തിരിച്ചു പോവുന്ന വഴിക്കാണല്ലോ അവനെ കണ്ടതും.. രണ്ടാഴ്ചക്കുള്ളിൽ സ്ഥലം മാറ്റവുമായി കേരളത്തിലേക്ക് വരുന്നുണ്ടെന്ന് പറഞ്ഞിരുന്നു.. ചിലപ്പോൾ അവനിവിടെ എത്തിയിട്ടുണ്ടാവും..