സഖിയെ ഈ മൗനം നിനക്കായ് 4 ???[നൗഫു] 4433

ടപ് ടപ് ടപ്..

ആരോ നടന്നടുക്കുന്ന ശബ്ദം കേട്ട് ജ്യോത്സ്ന കണ്ണ് തുറന്നു..

അരികിലേക് വന്ന ശബ്ദം ഒന്ന് നിലച്ചു പിന്നെ അവിടെ നിന്നുംഅകന്നകന്നു പോയി.. അവൾ പതിയെ തലചരിച്ചു നോക്കി.. അവിടെയെങ്ങും ആരുമുള്ളതായി അവൾക്ക് തോന്നിയില്ല.. അവളെവിടെയാണിപ്പോ കിടക്കുന്നതെന്നും മനസിലായില്ല..

അവിടെയാകെ രക്തത്തിന്റെ രൂക്ഷ ഗന്ധം നിറഞ്ഞിട്ടുണ്ട്.. കിടക്കുന്നിടത്തു നിന്നും അവൾ പതിയെ എഴുന്നേൽക്കാൻ ശ്രമിച്ചു നോക്കി.. കഴിയുന്നില്ല.. ഒന്നൂടെ ശ്രമിച്ചപ്പോൾ ഇപ്പോൾ കിടക്കുന്നതൊരു മേശപ്പുറത്താണെന്നും കയ്യും കാലും നാല് ഭാഗവും കെട്ടിയിട്ടിരിക്കുകയാണെന്നും അവൾക്ക് മനസിലായി..
താൻ കിടക്കുന്ന മേശയിൽ നിന്നും പതിയെ എഴുന്നേൽക്കാൻ നോക്കിയപ്പോൾ ആണ് തന്നെ നാല് ഭാഗവും കെട്ടിയിട്ടിരിക്കുകയാണെന്ന് മനസ്സിലായത്..
“ഇന്നലെ രാത്രിയിലെന്താണ് സംഭവിച്ചത്..?”

ജ്യോത്സ്ന തലേദിവസം രാത്രിയിലെ സംഭവങ്ങൾ ഓർത്തെടുക്കാൻ തുടങ്ങിയിരുന്നു..

അമ്മുവിന്റെ ഉറക്കെയുള്ള നിലവിളിയാണ് തന്നെ ഉണർത്തിയത്.. അവളെയാരോ കാലിൽ വലിച്ചു കൊണ്ടു പോകുന്നു.. കുറച്ചു നിമിഷം വേണ്ടി വന്നു എന്താണ് സംഭവിക്കുന്നത് എന്ന് മനസ്സിലാക്കാൻ.. അമ്മു… അമ്മു.. എന്ന് അലറി വിളിച്ചിട്ടും തൊണ്ട കുഴിയിൽ നിന്നും ശബ്ദം പുറത്തു വന്നില്ല…

—{}—{}—{}—{}—{+}—{}—{}—{}—{}—