സഖിയെ ഈ മൗനം നിനക്കായ് 4 ???[നൗഫു] 4951

“അവിടെ കുറച്ചു മുകളിലേക്കു കയറിയാൽ ചാത്തൻ പാറയെന്നൊരു സ്ഥലമുണ്ട്.. പിശാചുക്കളുടെ സംഗമഭൂമിയാണത്.. ചില രാത്രികളിൽ അവിടെ താഴെനിന്നും  വട്ടത്തിൽ തീ മുകളിലേക്കു കയറി പോകുന്നത് കാണാം.. ആ സമയം ചില അട്ടഹാസങ്ങളും കേൾക്കാം..”

“ഈ പിശാചും പ്രേതവുമൊക്കെ ഇപ്പോഴുമുണ്ടോ..?”

“കഴിഞ്ഞ മാസം ഒരു ഫോറെസ്റ്റ് ഓഫീസർ അവിടെ ബോധം കെട്ട് വീണിരുന്നു.. അതിനു ശേഷം ആയാളിപ്പോഴേതോ മെന്റൽ ഹോസ്പിറ്റലിലാണെന്നാണ് കേട്ടത്..”

“ഹോ..”

“മോൻ ഏത് പത്രത്തിൽ നിന്നാണ്..”

“മനോരമ.. ഇതാ ചേട്ടാ പൈസ..”

അവർ നാല് പേരും അവിടെ നിന്നും വാഹനത്തിൽ കയറി പുറപ്പെട്ടു..

—{}—{}—{}—{}—{+}—{}—{}—{}—{}—

“ഡോക്ടർ.. ഉറക്കമൊക്കെ സുഖമായിരുന്നില്ലേ..?”

ചുമരിലെ ഛായാചിത്രത്തിൽ നോക്കി ഗഹനമായിഎന്തോ ചിന്തിച്ചുകൊണ്ടിരുന്ന ഡോക്ടർ മേനോൻകുട്ടിയെ ഞെട്ടിച്ചു കൊണ്ട് മുഖം മറച്ചൊരാൾ അകത്തേക്ക് കടന്നുവന്നു..

“താനെന്താ ആളെ കളിയാക്കാ.. പാതിരാത്രിയൊരാളെ തട്ടിക്കൊണ്ടു വന്നിട്ട് അയാളുടെ ഉറക്കം ശരിയാണോന്നന്വേഷിക്കുവാൻ നടക്കുവാണോ താൻ..”

ഡോക്ടർ മേനോൻ കുട്ടി പൊട്ടിത്തെറിച്ചു..

“കൂൾഡൌൺ ഡോക്ടർ.. കൂൾഡൗൺ.. ഞങ്ങൾ നിങ്ങളെ ഉപദ്രവിക്കാൻ വന്നതല്ല.. മാത്രമല്ല ഞങ്ങൾക്ക് ഡോക്ടറുടെ ഒരു ചെറുതല്ലാത്ത സഹായം വേണം..”

“മര്യാദയ്ക്ക് എന്നെ വീട്ടിൽ കൊണ്ട് വിട്ടോ.. ഈ മേനോൻ കുട്ടിയാരാണെന്നു നിനക്കൊന്നും മനസിലായിട്ടില്ല..”

ഡോക്ടർ ദേഷ്യം കൊണ്ട് വിറച്ചു..