സഖിയെ ഈ മൗനം നിനക്കായ് 4 ???[നൗഫു] 4433

കെകെ: “അപ്പൊ ഇന്നത്തെ അടുത്ത പരിപാടിയെന്താണ്..??”

എൻകെ: “നമുക്കാദ്യം കുഞ്ഞാപ്പിയെ ഒന്ന് കാണണം.. പിന്നെ അവന്റെയാ ഫ്രണ്ടിനെയും.. അവിടെനിന്നും എന്തായാലും വിലയേറിയ കുറച്ചു വിവരങ്ങൾ കിട്ടും.. ബാക്കി അതിന്റെ ലീഡ് നോക്കി തീരുമാനിക്കാം.”

കെകെ: “അപ്പോ നമ്മളിന്നലെ തൂക്കിയ ആ മത്തങ്ങാത്തലയനെ എന്ത് ചെയ്യണം..?
അയാളെയും തിരക്കി പോലീസ് പിന്നാലെ കൂടിയാൽ അത് നമ്മുടെ പദ്ധതികളെല്ലാം പൊളിക്കും.. ഡോക്ടറുടെ സുഹൃത്ത് കൂടിയായായ എസിപി രാജീവ് നായർ ആള് മഹാ മടിയനാണെങ്കിലും പണിതുടങ്ങിയാൽ പിന്നെ പിടിവിടില്ല..!!”

ആർബി: “ ഡോക്ടർ ഒരു പ്രശ്നമാകില്ല.. അയാൾ നമ്മുടെ കൂടെ നിൽക്കും.. അല്ലെങ്കിൽ നമ്മൾ നിർത്തും.. അറിഞ്ഞിടത്തോളം സഹായ മനസുള്ള ആളാണ് ഡോക്ടർ മേനോൻ കുട്ടി.. നമുക്ക് ആദ്യം തന്നെ പോയി ഡോക്ടറുടെ ഫോൺ കൊടുക്കണം.. നമ്മളെ സഹായിക്കേണ്ട ആവശ്യവും അങ്ങേറിയിച്ചേക്കാം അക്കൂട്ടത്തിൽ.. പിന്നെയാ എസിപി.. എന്തെങ്കിലും ഒരുവഴിയുണ്ടാക്കാം..”

കെകെ: “എന്നാ പിന്നെ തുടങ്ങുവല്ലേ ഭായ്..”

—{}—{}—{}—{}—{+}—{}—{}—{}—{}—

“അവർ നാല് പേരും ഇന്നലെ വൈകുന്നേരം ഇവിടെ നിർത്തി ഓരോ ചായയും കുടിച്ചാണ് മുകളിലേക്കു കയറിയത്.. പോകുന്ന സ്ഥലം അത്ര ശരിയല്ലെന്ന് അപ്പൊത്തന്നെ ഞാനവരോട് പറഞ്ഞതാണ്..”

“അതെന്താണ് ചേട്ടാ.. അവിടെ ഇതിന് മുമ്പെന്തെങ്കിലും പ്രശ്നമുണ്ടായിട്ടുണ്ടോ..”

സുജീഷ് വളരെ സ്വകാര്യമായി ആ അയാളോട് ചോദിച്ചു..

“അങ്ങനെ ചോദിച്ചാൽ..”

രണ്ട് നിമിഷം മിണ്ടാതെ നിന്നശേഷം അയാൾ പറഞ്ഞു തുടങ്ങി..