സഖിയെ ഈ മൗനം നിനക്കായ് 4 ???[നൗഫു] 4490

“കുറെ കുട്ടികളെ വേണോ..”

“അത് ഉണ്ടല്ലോ.. നമ്മുടെ അമ്മയുടെ കൂടെ..”

“ഹോ.. അങ്ങനെ.. അപ്പൊ നമുക്ക് വേണ്ടേ..

“ഈ ഏട്ടന് ഇമ്മാതിരി വൃത്തികേടല്ലാതെ വേറെയൊന്നും പറയാനില്ലേ..”

“ആഹ.. ഞാൻ പറഞ്ഞാൽ വൃത്തികേട്.. നീ പറഞ്ഞാൽ നല്ലത്.. കൊള്ളാലോ കളി..”

വാഹനം അടുത്ത് കണ്ട ഒരു ഷോപ്പിങ് മാളിലേക്കു കയറ്റി പാർക്ക് ചെയ്ത ശേഷം രാഗേഷും നന്ദിനിയും മാളിന്റെ ഉള്ളിലേക് നടന്നു..

—{}—{}—{}—{}—{+}—{}—{}—{}—{}—

കോഴിക്കോട്ടെ ഒറ്റപ്പെട്ടു കിടക്കുന്ന ഒരു അജ്ഞാത പ്രദേശത്തെ വീട്..

അവിടെ  അരോഗധൃഢഗാത്രരായ മൂന്നു യുവാക്കൾ കാര്യമായ എന്തോ ഒരു ചർച്ചയിലാണ്

“ആർബി..”

“ബോലോ കെകെ ഭായ്”

“ഇനിയെന്താണ് നമ്മുടെ പ്ലാൻ..?”

“ഇന്റൽ.. റെക്കി.. ആൻഡ് ദെൻ ബൂം ആൻഡ് വാനിഷ്.. യു നോ ഇറ്റ്..!!”

കെകെയെന്ന (KK) കിരണിനെ നോക്കി ഒന്ന് കണ്ണിറുക്കികൊണ്ട് ആർബി (RB) പറഞ്ഞു. പിന്നെ എല്ലാം പറഞ്ഞ പോലെത്തന്നെയല്ലേ എന്ന ഭാവത്തിൽ അടുത്തിരിക്കുന്ന മറ്റൊരു സുഹൃത്തായ എൻകെയെ (NK) നോക്കിയൊന്നു പുഞ്ചിരിച്ചു..

“എല്ലാം പ്ലാൻ ചെയ്ത പോലെത്തന്നെ മകനെ.. പക്ഷെ നമുക്കിവിടെ ഇന്റൽ തരാനാരാണുള്ളത്..??”

ഇത്തവണ ചോദ്യം എൻകെയുടെ വകയായിരുന്നു..

ആർബി: “ക്രൈംബ്രാഞ്ചാണിപ്പോ കേസന്വേഷിക്കുന്നത്.. അവിടെ നിന്നും വിവരങ്ങൾ അപ്പപ്പോൾ കിട്ടാൻ ബുദ്ധിമുട്ടില്ല.. കുഞ്ഞാപ്പിക്ക് അവിടെയൊക്കെ കണക്ഷൻസുണ്ട്.. പക്ഷെ ഉടനെ തന്നെ ഒരു സ്പെഷ്യൽ ടാസ്ക്ഫോഴ്സ് രൂപീകരിച്ചു അന്വേഷണം അവർക്കു കൈമാറാൻ സാധ്യതയുണ്ടെന്നൊരു ഇന്റൽ കിട്ടിയിട്ടുണ്ട്.. ടാസ്‌ക്‌ഫോഴ്‌സ്‌ വന്നാൽ അവിടെ നിന്നും നമുക്കെന്തെങ്കിലും ചോർന്നു കിട്ടുമെന്നു കരുതുന്നത് ശരിയാവില്ല.. ഇപ്പൊ നമുക്ക് വേണ്ട പല വിവരങ്ങളും ഐബിയിലെയും ക്രൈംബ്രാഞ്ചിലെയും കുഞ്ഞാപ്പിയുടെ കണക്ഷൻസ് വഴി കിട്ടും.. ബാക്കിയെല്ലാം നമ്മൾ തന്നെ നോക്കേണ്ടി വരും.. നമുക്കൊന്ന് ശ്രമിച്ചു നോക്കാം.. ”