സഖിയെ ഈ മൗനം നിനക്കായ് 4 ???[നൗഫു] 4433

“മദറിനോട് നീയെന്തു പറയാൻ..? നിന്നെ കളിയാക്കിയെന്നോ..?”

“ അല്ല.. അമ്മയുടെ മൂത്ത മോൻ എന്നെ വഴിയിൽ വെച്ച് പീഡിപ്പിച്ചെന്ന്..”

“എന്താ.. എന്ത് പറയുമെന്ന്..?”

രാഗേഷ് നന്ദിനിയുടെ ചെവി പിടിച്ചു തിരിച്ചു കൊണ്ട് ചോദിച്ചു ..

“ആ.. വിട്.. വിട്.. ഞാൻ പറയില്ല.. പ്ലീസ് ഏട്ടാ.. എനിക്ക് വേദനിക്കുന്നുണ്ട് ട്ടോ.. വിട്ടില്ലെങ്കിൽ ഞാൻ ഇക്കിളി ഇടുമേ.. “

നന്ദിനി ഒരു കൈ രാഗേഷിന്റെ ഊരയിലേക്കടുപ്പിച്ചു കൊണ്ട് പറഞ്ഞപ്പോൾ രാഗേഷ് ഒന്ന് പുഞ്ചിരിച്ചു അവളുടെ ചെവി വിട്ടു..

“വാ.. പോകാം..”

അവിടെ നിന്നും കുറച്ചുമാറി ഒരു വാകയുടെ അരികിലായി രണ്ടു ജോഡി കണ്ണുകൾ അവരെയും നിരീക്ഷിച്ചു നിൽക്കുന്നതറിയാതെ നന്ദിനിയെ കൂടെയിരുത്തി രാഗേഷ് കോളേജിന്റെ മുറ്റത്തു നിന്നും ബുള്ളറ്റ് പതിയെ മുന്നോട്ടെടുത്തു..

“നാളെ കിട്ടുമോ അവളെ..”

കൂട്ടത്തിലുള്ള ഒരുത്തൻ അടുത്തുള്ള ആളോട് ചോദിച്ചു..

“കിട്ടാതെവിടെ പോകാൻ.. നമ്മളീ കോളജിൽ വന്നിട്ടെത്ര കാലമായി..?”

“ആറു മാസം..”

“അതിനിടയിൽ നമ്മളുടെ സുഖത്തിനു വേണ്ടി നമ്മളെത്രപേരെ പൊക്കിയിട്ടുണ്ട്..?”

“മൂന്നു പേരെ.. പക്ഷെ നാളെ ലാസ്റ്റ് ഇയർ ബാച്ചിന്റെ അവസാന ദിവസമാണ്.. നാളെ അവളെ പൊക്കിയില്ലെങ്കിൽ പിന്നെ ഒരിക്കലും അവൾ നമ്മുടെ കൈപ്പിടിയിൽ വരില്ല..”

“നന്ദിനി.. അവളെന്റെ ഉറക്കം കളയാൻ തുടങ്ങിയിട്ട് കുറച്ചായി.. ഇവിടെ വന്ന അന്ന് അവളെ ആദ്യമായി കണ്ടപ്പോൾ മുതൽ കൊതിച്ചതാണ് ഞാൻ, ഒരുവട്ടമെങ്കിലും അവളെയെന്റെ കൂടെ കിടത്തണമെന്ന്.. അവളെപ്പോലെ ഒരു സുന്ദരിയെ അനുഭവിക്കാതെ വിടുകയെന്ന് പറഞ്ഞാലെനിക്ക് പുറത്തു പറയാൻ കഴിയാത്ത നാണക്കേടാണ്..