ശിവാത്മിക VII [മാലാഖയുടെ കാമുകൻ] 1615

ശിവാത്മിക VII

Author: മാലാഖയുടെ കാമുകൻ

Previous Part 

 

 

ഹലോ…

ഒരു പ്രേതെകതയും ഇല്ലാത്ത ഒരു സാധാരണ കഥയാണ് ഇത്. സമയം ഉണ്ടെങ്കിൽ താല്പര്യം ഉണ്ടെങ്കിൽ മാത്രം വായിക്കുക..
സ്നേഹത്തോടെ. ❤️

തുടർന്ന് വായിക്കുക..

“ഒഴിവാക്കുകയാണോ എന്നെ അച്ചായാ…?”

അവളുടെ ആ ചോദ്യത്തിന് പ്രിൻസിന് ഉത്തരം ഉണ്ടായിരുന്നില്ല..

വണ്ടിയിൽ കയറിയപ്പോൾ അവൾ പുറകിൽ ഇരുന്നു കരയുന്നുണ്ടായിരുന്നു..

ആലീസ് വേദനയോടെ അവളെ നോക്കി.. അവളുടെ അച്ചായൻ അവളോട് കരുണ കാണിച്ചേക്കും എന്ന് അവൾ പ്രതീക്ഷിച്ചിരുന്നു..

വണ്ടി വയനാട് ലക്ഷ്യമാക്കി കുതിച്ചുകൊണ്ടിരുന്നു.

****

“മോളെ..? എന്നീക്ക്.. സമയം എത്രയായി അറിയുമോ..?”

രാവിലെ അമ്മച്ചി വിളിച്ചപ്പോൾ ആണ് ശിവ കണ്ണ് തുറന്നത്..

സമയം 11 മണി ആയിരിക്കുന്നു..

അതി രാവിലെ വന്നു കിടന്നതാണ്..

“അയ്യോ സമയം ഇത്രക്ക് ആയോ..?”

അവൾ അമ്മച്ചിയുടെ കവിളിൽ ഒരു ഉമ്മകൊടുത്തുകൊണ്ടു എഴുന്നേറ്റ് ഇരുന്നു..

“പോയി ഫ്രഷ് ആയിട്ട് വാ കൊച്ചെ.. അപ്പവും മുട്ടക്കറിയും ഉണ്ട്.., “

അവർ സ്നേഹത്തോടെ പറഞ്ഞു പുറത്തേക്ക് പോയപ്പോൾ ശിവയുടെ കണ്ണ് നനഞ്ഞു..

ഈ സ്നേഹം എന്നും അനുഭവിക്കാൻ യോഗം ഇല്ലേ..? അവൾ വേഗം എഴുന്നേറ്റ് ബാത്ത്റൂമിലേക്ക് പോയി..

“അച്ചായൻ പോയോ..?”

“അഹ് കൊച്ചെ.. അവർ കടയിലേക്ക് പോയി.. ആലീസ് ആരെയോ കാണാനും വേണ്ടി..”

അവൾ ചോദിച്ചപ്പോൾ അമ്മച്ചി മറുപടി കൊടുത്തു.. അവൾ കഴിച്ചു കഴിഞ്ഞു ഒന്ന് പുറത്തേക്ക് ഇറങ്ങി..

സ്കോഡ ഒക്ടോവിയ കണ്ടപ്പോൾ ആണ് അവൾക്ക് എന്തോ ഓർമവന്നത്..