വൈഷ്ണവം 9(മാലാഖയുടെ കാമുകൻ) 1242

വൈഷ്ണവി 9

മാലാഖയുടെ കാമുകൻ

Previous Part

വീടിന്റെ മുകൾ നിലയിലെ ബാൽക്കണിയിൽ ഇട്ട ചൂരൽ കസേരയിൽ ചാരികിടന്ന് വാവയെ ഉറക്കുകയായിരുന്നു വൈഷ്ണവി.

അവൾ നെഞ്ചിൽ പറ്റിച്ചേർന്ന് ഉറങ്ങി കിടക്കുന്ന കുരുന്നിനെ നോക്കി..

അവളുടെ നെഞ്ച് വേദനിച്ചു.

താൻ കാരണം ഈ കുഞ്ഞിന് അതിന്റെ പിതാവിന്റെ സ്നേഹം പോലും കിട്ടുന്നില്ലല്ലോ എന്ന് ആലോചിച്ചപ്പോൾ അവൾക്ക് നെഞ്ച് വേദനിച്ചു ശ്വാസം എടുക്കാൻ കഴിയാതെ വന്നു..

കണ്ണിൽ നിന്നും ചൂട് നീർ ഒഴുകാൻ തുടങ്ങി..

ഇല്ല കരയാനുള്ള യോഗ്യത പോലും ഈ പെണ്ണിനില്ല..

എല്ലാം തന്റെ എടുത്തുചാട്ടം ആണ്‌..എല്ലാം തന്റെ തെറ്റാണ്..

“മോളെ..?”

ജാനുവമ്മ വിളിച്ചപ്പോൾ അവൾ കണ്ണ് തുടച്ചു പുറകിലേക്ക് നോക്കി..

അവർ വന്നു മോളെ എടുത്തുകൊണ്ടു പോയപ്പോൾ അവൾ പുറത്തേക്ക് നോക്കി..

ആകാശം ഇരുണ്ട് കിടക്കുന്നു.. തന്റെ ജീവിതം പോലെ..

പുറത്ത് ഒരു ബഹളം കേട്ടപ്പോൾ അവൾ താഴേക്ക് നോക്കി..

സെക്യൂരിറ്റിയുമായി വാക്ക് തർക്കത്തിൽ ഏർപ്പെടുന്ന രണ്ടുപേരെ കണ്ടപ്പോൾ അവൾ വല്ലാതെ ഒന്നു ഞെട്ടി.