വൈഷ്ണവം 9(മാലാഖയുടെ കാമുകൻ) 1242

“ഇട്സ് ഓക്കേ സ്വീറ്റി.. അവൻ അവന്റെ ലൈഫ് തിരഞ്ഞെടുത്തു.. ഡോണ്ട് വറി.. യു കൂൾ ഡൌൺ ഓകെ..?”

വീട്ടിലെത്തിയപ്പോൾ സങ്കടപ്പെട്ട് ഇരുന്ന ഭദ്രയെ നോക്കി വൈഷ്ണവി പറഞ്ഞു..

ഭദ്ര അവളെ ഒന്ന് നോക്കി.

മനസ്സിൽ ഒരു കടൽ ഇരുമ്പുന്നുണ്ട്.. എന്നാലും അവൾ സാധാരണ പോലെ അഭിനയിക്കുകയാണ്..

മുഖത്ത് ഒരു പുഞ്ചിരി അണിഞ്ഞിട്ടുണ്ട്.. ഭദ്രക്ക് അറിയാം അവളെ..

“മ്മ്മ്..”

ഭദ്ര ഒന്ന് മൂളി.

“ഇനിയെങ്കിലും ഒന്ന് പറയുമോ..? വാട്ട്‌ ഹാപ്പെൻഡ്..?”

ജോഷ് സഹികെട്ടു അവർക്ക് അരികിലേക്ക് എത്തി..

വൈഷ്ണവി ഉടനെ അവിടെ നിന്നും എഴുന്നേറ്റ് പോയി..

ഭദ്രയും ജോഷും തനിച്ചായി അവിടെ..

“അറിഞ്ഞിട്ട് എന്തിനാ..?”

“കഥറിയാതെ കഥകളി കാണും പോലെ കുറെ നേരമായി.. എന്തെങ്കിലും പരിഹാരം ഉണ്ടോ എന്ന് പറയാൻ തന്നെ കാര്യങ്ങൾ അറിയേണ്ടേ..? ബിസിനസ്‌ പാർട്ണർ അല്ല ഒരു ഫ്രണ്ട് ആയി കണ്ടുകൂടെ ഭദ്ര എന്നെ..?”

അയാൾ അത് ചോദിച്ചപ്പോൾ ആത്മാർത്ഥമായിട്ടാണെന്ന് ഭദ്രക്ക് തോന്നി.

ഇനി ഒന്നും മറച്ചു വെച്ചിട്ടും കാര്യം ഇല്ലെന്ന് അവൾക്കും തോന്നി..

•••

അന്ന് എയർപോർട്ടിൽ വൈഷ്ണവി പാരിസിലേക്ക് പോകാൻ നിന്ന ദിവസം..

അവൾ യാത്ര പറഞ്ഞു അകത്തേക്ക് പോയി ചെക്ക് ഇൻ ചെയ്തു എന്നറിഞ്ഞപ്പോൾ ഭദ്ര കരച്ചിലടക്കാൻ പാട് പെടുകയായിരുന്നു..