വൈഷ്ണവം 9(മാലാഖയുടെ കാമുകൻ) 1242

എന്നിരുന്നാലും ഭദ്രക്ക് താല്പര്യം ഉള്ളതുകൊണ്ട് അവൾ സമ്മതിച്ചു..

ഭദ്രയുടെ കാറിൽ ആണ് അവർ പോയതും..

ജോഷ് ഡ്രൈവ് ചെയ്തോളാം എന്ന് പറഞ്ഞപ്പോൾ വൈഷ്ണവിയും ഭദ്രയും പുറകിൽ ഇരുന്നു.

അനുശ്രീ ഉണ്ടായിരുന്നു ഒപ്പം.

അവളും ജോഷും നല്ല ഫ്രണ്ട്സ് ആയിരുന്നു..

ഏകദേശം ഇരുന്നൂറ്റി അൻപത് കിലോമീറ്റർ ദൂരം..

കോയമ്പത്തൂർ എത്തിയപ്പോൾ അവർ ശരവണഭവനിൽ നിന്നും ഭക്ഷണം കഴിച്ചു വീണ്ടും യാത്ര തുടങ്ങി..

പോകുന്ന വഴിയിൽ പുതുമലപേട്ടയിൽ എത്തിയപ്പോൾ നിറഞ്ഞു നിന്ന കാറ്റാടി പാടങ്ങൾ വൈഷ്ണവി വാവക്ക് കാണിച്ചു കൊടുത്തു..

അവൾ ആദ്യമായിട്ടാണ് ഇതുപോലെ ഒരു യാത്ര പോകുന്നത്.. അതിന്റെ ആവേശവും ക്ഷീണവും അവൾക്ക് ഉണ്ടായിരുന്നു..

പളനി എത്തിയപ്പോൾ നേരം വൈകി…

ഒരു ലോഡ്ജിൽ അവർ അന്ന് രാത്രി താമസിച്ചു..

അതിരാവിലെ എഴുന്നേറ്റ് വിനായകൻ കോവിലിൽ കയറിയ ശേഷം അവർ പളനി മലയിലേക്ക് യാത്ര തിരിച്ചു..

ആകെ മൊത്തം നല്ല തിരക്ക്..

മുകളിൽ കയറി എത്താൻ അല്പം ബുദ്ധിമുട്ടി എങ്കിലും മുകളിൽ കയറി തൊഴുതപ്പോൾ അവൾക്ക് സമാധാനം തോന്നി.

കുറേനേരം അവൾ അവിടെ ഇരുന്നു..

മുകളിൽ നിന്നും നോക്കുമ്പോൾ പളനി മുഴുവൻ കാണാമായിരുന്നു.. നല്ല കാഴ്ച..

വാവ മയക്കം ആയിരുന്നു അപ്പോഴേക്കും.

തിരിച്ചു വരുന്ന വഴിക്ക് വൈഷ്ണവി ശാന്തയായിരുന്നു..