വൈഷ്ണവം 9(മാലാഖയുടെ കാമുകൻ) 1242

വരാനുള്ളത് നമ്മൾ തയാറാല്ലെങ്കിൽ പോലും അങ്ങനെയൊക്കെയേ വരുകയുള്ളു എന്ന് അവൾ മനസിൽ ഉറപ്പിച്ചു..

ജോഷും അനുശ്രീയും മുൻപിൽ ഇരുന്ന് നല്ല സംസാരത്തിൽ ആയിരുന്നു..

ഭദ്രയും വാവയും ഉറക്കത്തിലും..

വൈഷ്ണവി വെറുതെ പുറത്തേക്ക് നോക്കി ഇരുന്നു..

തിരികെ കോയമ്പത്തൂർ എത്തിയപ്പോൾ വണ്ടി അവിടെ നിർത്തി..

എല്ലാവരും വണ്ടിയിൽ നിന്നും ഇറങ്ങി ഭക്ഷണം കഴിച്ചു.

അതിന് ശേഷം വീണ്ടും യാത്ര..

ഇടക്ക് വലിയ ഒരു മരത്തിന്റെ ചുവട്ടിൽ കരിമ്പിന്റെ ജ്യൂസ് ഉണ്ടാക്കുന്നത് കണ്ടപ്പോൾ ജോഷ് വണ്ടി അവിടെ നിർത്തി..

വണ്ടിയിൽ നിന്നും ഇറങ്ങി തണലിൽ നിന്ന് എല്ലാവരും ജ്യൂസ് കുടിച്ചു അവിടെ ഉള്ള മുളയുടെ ബെഞ്ചിൽ അൽപനേരം ഇരുന്നു.

വൈഷ്ണവി റോഡിന്റെ അപ്പുറത്തേക്ക് നോക്കി.

റോഡിന്റെ അപ്പുറം അത്യാവശ്യം വലിയൊരു ഹോട്ടൽ ഉണ്ടായിരുന്നു..

കുറച്ചു പടികൾക്ക് മുകളിൽ ആണ്‌ ഹോട്ടൽ.

വെള്ളം കയറാതെ ഇരിക്കാൻ ആയിരിക്കും എന്ന് അവൾക്ക് തോന്നി.

നല്ല തിരക്കും ഉണ്ട് അവിടെ..

“നല്ല സ്ഥലം അല്ലെ..?”

“അതെ ചേച്ചി…”

ഭദ്ര പറഞ്ഞതിന് മറുപടി കൊടുത്ത അനുശ്രീ വാവയെ എടുത്ത് മരത്തിന്റെ ചുവട്ടിൽ ഇരുന്നു..

വൈഷ്ണവിയുടെ കയ്യിലെ ജ്യൂസ് ഗ്ലാസ്‌ താഴേക്ക് വീണ് പൊട്ടിയ ശബ്ദം കേട്ടപ്പോൾ എല്ലാവരും അവളെ നോക്കി..