രുധിരാഖ്യം 3 [ചെമ്പരത്തി] 399

ഇടിഞ്ഞ് വീണ വൻ പാറക്കൂട്ടങ്ങൾ ഗുഹാകവാടത്തെ മൂടികളഞ്ഞു.

പുറത്തേക്ക് വെള്ളം ഒഴുകാതായതോടെ തടാകത്തിലെ ജലനിരപ്പ്  ഉയർന്നു തുടങ്ങി.

ആ സമയം കൊണ്ട് പ്രതാപവർമ്മയുടെ മൂർത്തികൾ മൂവരും അടുത്തടുത്തായി ഇന്ദുവിനെതിരെ നിരന്ന് നിന്നു.

അതിനുള്ളിൽ പ്രതാപവർമ്മ ഹോമകുണ്ഡം വീണ്ടും ജ്വലിപ്പിച്ചശേഷം  മുടങ്ങിപ്പോയ മന്ത്രജപം പുനരാരംഭിച്ചു.

കണ്ണുകളടച്ച് കൈകൾ കോർത്തു പിടിച്ച അവരുടെ നെറ്റിയിലെ രത്നങ്ങൾ പതിയെ  ചെറുപ്രകാശം പരത്തി ജ്വലിക്കുവാൻ തുടങ്ങി.

ഇടയ്ക്ക്  തന്നെ ഒന്ന് ഭീതിയോടെ തിരിഞ്ഞു നോക്കി ഹോമകുണ്ഡത്തിൽലേക്ക് ചുവന്ന പനിനീർ പൂക്കൾ അർപ്പിച്ച പ്രതാപവർമയുടെ അരികിലേക്ക് പാഞ്ഞടുത്ത  ഇന്ദു പക്ഷേ, അയാളെ തൊടാൻ കഴിയുന്നതിനു മുന്നേ തന്നെ ശക്തമായ ഒരു അടിയേറ്റ് തെറിച്ച് പിന്നോട്ട് വീണു.

അവളുടെ കയ്യിലേക്ക് തിരിച്ചെത്തിയ ആയുധം തെറിച്ചു ബലിക്കല്ലിനപ്പുറത്ത് തടാകത്തിലെ ജലത്തിലേക്ക്  വീണു.

മൂന്ന് പെൺകുട്ടികളുടെയും നെറ്റിയിലെ രത്നങ്ങളിൽ നിന്ന് പുറപ്പെട്ട പ്രകാശ രശ്മികൾ ഒരുമിച്ച് ചേർന്ന് സ്വർണനിറത്തിലുള്ള ഒരു കാട്ടുവള്ളി കണക്ക് അവളെ ചുറ്റിവരിഞ്ഞു.

അത് അവളെ മേലേക്ക് ഉയർത്തി തറയിലേക്ക് ആഞ്ഞടിച്ചു.

നിലത്തേക്ക് ആഞ്ഞ് അടിച്ചതിന്റെ ശക്തിയിൽ ആയിരിക്കണം അവളുടെ കടവായിൽനിന്ന് ചോര കുതിച്ചൊഴുകി.

പ്രകാശത്താൽ ബന്ധനസ്ഥയായ അവളെ അത് മുകളിലേക്ക് ഉയർത്തി.

കഴുത്ത് ഒടിഞെന്നപോലെ അവളുടെ ശിരസ്സ് മുൻപോട്ട് തൂങ്ങിക്കിടന്നു. കണ്ണുകൾ അടഞ്ഞു പോയിരുന്നു.

തളർന്നു തൂങ്ങിയ തൂവൽ