രുധിരാഖ്യം 3 [ചെമ്പരത്തി] 399

തടാകത്തിലെ ജലം എല്ലാ ചുറ്റുംനിന്ന് ദ്വീപിലേക്ക് ഇരമ്പി കയറി.

ആർത്തലച്ച് എത്തിയ വെള്ളത്തിൽ പ്രതാപവർമ്മയുടെ മുന്നിലുണ്ടായിരുന്ന ഹോമകുണ്ഡം അണഞ്ഞുപോയി.

ദ്വീപിലേക്ക് വെള്ളം ഇരമ്പികയറി എങ്കിലും, നേരത്തെ കണ്ട് മത്സ്യങ്ങൾ ഒന്നുംതന്നെ ദ്വീപിലേക്ക് കയറിയില്ല.

നിലത്തു കിടന്നിരുന്ന ഇന്ദുവിന്റെ മൂക്കിനൊപ്പം ഉയരത്തിൽ വെള്ളം ഉയർന്നു.

പ്രതാപവർമ്മയുടെ മുഖം  വിളറി വെളുത്തു.

പെൺകുട്ടികൾ രണ്ടു പേരും പകച്ച് പരസ്പരം നോക്കിയതിനുശേഷം, എന്തുചെയ്യണമെന്നറിയാതെ ഭയവിഹ്വലനായി നിൽക്കുന്ന പ്രതാപവർമയുടെ നേർക്ക് തിരിഞ്ഞു.

ഒരു നിമിഷത്തെ പകപ്പിന് ശേഷം സമനില വീണ്ടെടുത്ത പ്രതാപവർമ്മ വേഗം തന്റെ ഇടതുകൈ നെഞ്ചോട് ചേർത്ത് പിടിച്ചെങ്കിലും, നാവിൽ മന്ത്രോച്ചാരണത്തിന്റെ ധ്വനികൾ ഉയരുന്നതിന് മുന്നേതന്നെ നിശ്ചലയായി നിന്നിരുന്ന മാവികയിൽനിന്ന് ഒരു മിന്നൽപിണർ  പുറപ്പെട്ടു വെള്ളത്തിലൂടെ അത് ഇന്ദുവിന്റെ ദേഹത്തേക്ക് അടിച്ചുകയറി.

ഒന്ന് അടിമുടി വിറച്ച അവൾ കൈയ്യെത്തിച്ച് തന്റെ ഇരു ചിറകിലെയും തൂവലുകളിൽ ഓരോന്ന് പറിച്ചെടുത്തു.

അവ പരസ്പരം കൂട്ടിമുട്ടിച്ചതോടെ  അതുരണ്ടും വജ്രശോഭയുള്ള വാളുകൾ ആയിത്തീർന്നു.

മുന്നോട്ടാഞ്ഞ പെൺകുട്ടികൾക്ക് അവളുടെ അടുത്ത് എത്താൻ കഴിയുന്നതിനു മുന്നേ തന്നെ അവൾ തന്റെ കയ്യിലിരുന്ന വാളുകൾ ഇരുവശത്തേക്കും വീശി…

അവളുടെ ചിറകുകളിൽ കുത്തി നിർത്തിയിരുന്ന, രത്‌നങ്ങൾ വച്ച  ദണ്ഡുകൾ, ചിറകുകളോട് ചേർത്തുവച്ച് മെഴുകുതിരി എന്നപോലെ മുറിഞ്ഞു തെറിച്ചു.