‍‍രുധിരാഖ്യം | rudhiraagyam- | Author : ചെമ്പരത്തി

[ Previous Part ]

അതേസമയം അങ്ങ് അകലെ എട്ടുകെട്ടിലെ അറയിൽ പ്രതാപവർമ്മയുടെ നെഞ്ചിൽ കിടന്ന നഗ്നസുന്ദരി വീണ്ടും മുകളിലേക്ക് ഇഴഞ്ഞ് തന്റെ ചുണ്ടുകളെ പ്രതാപവർമ്മയുടെ ചുണ്ടുകളിലേക്ക് കൊരുത്തു.

പാതിയടഞ്ഞ കണ്ണുകളോടെ അവൾ കണ്ട ദൃശ്യങ്ങളെ തന്നിലേക്ക് പകർത്തിയ പ്രതാപവർമ്മ,ആ ദൃശ്യങ്ങളിൽ വെറും ഇരുട്ട് മാത്രം ആയിരുന്നു എന്ന് തിരിച്ചറിഞ്ഞതോടെ കണ്ണുകൾ പെട്ടെന്ന്  വലിച്ചു തുറന്നു.

“ഇല്ല…..ഒരിക്കലും സംഭവിക്കാൻ പാടില്ലാത്തത്……….. ”

തന്നിൽ ചുണ്ടു കോർത്ത അവളുടെ കഴുത്തിൽ പിടിമുറുക്കി മെത്തയിലേക്ക് എറിഞ്ഞ ശേഷം പറഞ്ഞുകൊണ്ട് അയാൾ എഴുന്നേറ്റിരുന്ന് കിതച്ചു.

പ്രതാപവർമ്മ, എവിടെയോ മാറി കിടന്ന  തന്റെ ഉടുമുണ്ട് വലിച്ചെടുത്ത്‌ ഉടുത്തശേഷം അതിവേഗത്തിൽ എട്ടു കെട്ടിന് കുറച്ചപ്പുറം മാറി ഉണ്ടായിരുന്ന വിശാലമായ കുളത്തിലേക്ക് നീങ്ങി.

പടികൾ  എല്ലാം ഇറങ്ങാൻ ക്ഷമയില്ലാതെ അയാൾ  മുകളിലെ പടിയിൽ നിന്ന്, ഇരയെ കണ്ട പൊന്മാൻ കണക്ക് വെള്ളത്തിലേക്ക് കുതിച്ചു.

പതിമൂന്ന് തവണ മുങ്ങിനിവർന്ന ശേഷം അയാൾ പൊങ്ങി വരുമ്പോൾ കയ്യിൽ ഒരു വലിപ്പമുള്ള ശംഖ് ഉണ്ടായിരുന്നു.

ആ ആഴമുള്ള കുളത്തിലെ ജലത്തിൽ,തല മാത്രം വെള്ളത്തിനുമുകളിൽ ഉയർത്തി അയാൾ നിലയുറപ്പിച്ചു.

അപ്പോഴെല്ലാം അയാളുടെ ചുണ്ടുകളിൽനിന്ന് ഏതോ ഒരു മന്ത്രം ചടുലമായി കൊഴിഞ്ഞു വീണുകൊണ്ടിരുന്നു.

വലതുകാൽ മടക്കി ഇടതുകാലിലെ മുട്ടിന്റെ വലതുഭാഗത്ത് ചവിട്ടി, ഇടതു കൈയിലെ തള്ളവിരൽ കൊണ്ട്