രുധിരാഖ്യം -10 [ചെമ്പരത്തി ] 357

ഇടയ്ക്കൊക്കെ വല്ലാത്തൊരു സങ്കടം തന്നെ കീഴടക്കി കണ്ണ് നനയ്ക്കുമ്പോൾ  അവൾ വാശിയോടെ അതിനെ തൂത്തെറിയും എങ്കിലും ആ കണ്ണുകൾ അവളെ വീണ്ടും വീണ്ടും തോൽപ്പിച്ചു കൊണ്ടിരുന്നു.

ഓരോ ചുവടുകൾ മുന്നോട്ട് നിൽക്കുമ്പോഴും രുധിരാഖ്യത്തിന്റെയോ ഏഥന്റെയോ ഒരു സൂചന പോലും കിട്ടാതായതോടെ അവൾ നിരാശയിലേക്ക് കൂപ്പുകുത്തി.

രുധിരാഖ്യം കിട്ടിയില്ലെങ്കിലും വേണ്ടില്ല തനിക്ക് ഏഥനെ കണ്ടെത്തിയാൽ മാത്രം മതി എന്ന ചിന്ത പോലും ഒരുവേള അവളുടെ മനസ്സിലേക്ക് ഓടിയെത്തി.

അതോടെ തലയൊന്ന് കുടഞ്ഞ് കൊണ്ട് ഇന്ദു ആ പുകമഞ്ഞിലേക്ക് തന്നെ ശ്രദ്ധിച്ചു മുന്നോട്ടേക്ക് നടന്നു. ഇടയ്ക്ക് ഒക്കെ അതിമനോഹരമായ പൂമ്പാറ്റകളെപ്പോലെ ചിറകുവിരിച്ച് ചെറു നാഗങ്ങൾ അവൾക്ക് മുന്നിലൂടെ പറന്നകന്നു.

പല വർണ്ണങ്ങൾ നിറച്ചു കൊണ്ട് ഒരു മിന്നാമിനുങ്ങിനെ പോലെ ഒഴുകി മാറുന്ന, രാത്രിയിൽ മാത്രം വിടരുന്ന പൂക്കളും, ചെറു ചലനം അറിഞ്ഞാൽ പോലും മണ്ണിൽ ഒളിക്കുന്ന വർണ്ണച്ചെടികളും അവൾക്ക് ആദ്യമായുള്ള അനുഭവങ്ങളായിരുന്നു.

ആരെയും കൊതിപ്പിക്കുന്ന അതിമനോഹരമായ പഴങ്ങൾ നിറഞ്ഞ കാട്ടുവള്ളികൾ പല വർണ്ണങ്ങളിൽ തെളിഞ്ഞു വന്നു.

ഇടക്കൊക്കെ ഉള്ള ചെറു കുളങ്ങളുടെ മധ്യത്തിൽ നിന്ന് ചെറു ജലധാരകൾ മുകളിലേക്ക് ഉയർന്നു കൊണ്ടിരുന്നു. അവയ്ക്ക് സമീപം ചെറു മൃഗങ്ങൾ വെള്ളം കുടിക്കാൻ വേണ്ടി മത്സരിച്ചു.

വർണ്ണാഭമായ കാഴ്ചകളിൽ മനസ്സ് ഉടക്കിയ ഇന്ദുവിന്റെ പിരിമുറുക്കം ചെറുതായൊന്നു കുറഞ്ഞെങ്കിലും അത് അവളെ വിട്ടുമാറിയിരുന്നില്ല.

രുധിരാഖ്യം ആണ്