രുധിരാഖ്യം -10 [ചെമ്പരത്തി ] 356

തൊണ്ടയിൽ കുടുക്കി  കൊണ്ട് ആ തിളക്കം ഏഥനടുത്തേക്ക് അടുത്ത് വന്നു കൊണ്ടിരുന്നു.

അവനെ കണ്ടതോടെ,മഴയും വെയിലും ഒരുമിച്ചു വന്നത് പോലെയുള്ള ഭാവത്തോടെ നിന്നിരുന്ന അവളുടെ മുഖത്തേക്ക് ഒരു നടുക്കം പടർന്നുകയറുന്നത് ആ മങ്ങിയ വെളിച്ചത്തിൽ പെട്ടെന്ന് തിരിച്ചറിഞ്ഞ് ഏഥൻ തനിക്ക് പിന്നിലേക്ക് വെട്ടിത്തിരിഞ്ഞു നോക്കി.

പക്ഷേ അവൻ അല്പം വൈകിപ്പോയിരുന്നു. ശക്തമായ ഒരു അടിയേറ്റവൻ നദിയിലേക്ക് തെറിച്ചു വീണു.

ഇന്ദുവിന്റെ ചുണ്ടിൽ നിന്ന് ഒരു നിലവിളി പുറത്തേക്ക് ചാടി എങ്കിലും മിഴിഞ്ഞ കണ്ണുകളോടെ അവൾ പെട്ടെന്ന് വായപൊത്തി.

അഗ്നിജ്വാലയുടെ നിറമേറിയ കണ്ണുകളോടെ ഒരു വലിയ കലമാൻ വനത്തിനുള്ളിൽ നിന്ന് നദിക്കരയിലേക്ക് എത്തിയിരുന്നു.!!!

പറിച്ചെറിഞ്ഞ ഒരു വൻ മരത്തിന്റെ വേരുകൾ പോലെ പടർന്നു നിന്നിരുന്ന അതിന്റെ കൊമ്പുകൾ തീക്കനൽ പോലെ ചുട്ടുപഴുത്തിരുന്നു.അതിൽ നിന്ന്  അടർന്ന് തെറിക്കുന്ന തീപ്പൊരികൾ ഒരുപക്ഷേ ആ വനത്തെ ചുട്ടെരിച്ചേക്കും എന്ന് ഇന്ദുവിന് തോന്നിപ്പോയി. നിന്റെ കൊമ്പുകളിൽ നിന്ന് പുറപ്പെടുന്ന സ്വർണ്ണ തിളക്കം ഒരു കാട്ടുവള്ളി കണക്ക് അന്തരീക്ഷത്തിലേക്ക് പടർന്നു നിന്നിരുന്നു.



ഒരു കടുവയുടെ മുരൾച്ചയോട് സമമായ ശബ്ദത്തിൽ മുരണ്ടു കൊണ്ട് അത് നദിയിലെ വെള്ളത്തിന് തൊട്ടടുത്തേക്ക് എത്തി. മുങ്ങി പോയിരുന്ന ഏഥൻ അപ്പോഴും ഉയർന്ന് വന്നിരുന്നില്ല.

അല്പനേരം കഴിഞ്ഞിട്ടും ഏഥൻ ഉയർന്ന് വരാത്തതിൽ ഉണ്ടായ വിഹ്വലതയിൽ, ജലത്തിന് ഉള്ളിലേക്ക് കുതിക്കാനാഞ്ഞ ഇന്ദുവിനെയും,