അഭി അതിന് മറുപടിയെന്നോണം തലകുലുക്കി.
അവൻ വേഗംതന്നെ കഴിച്ചെണീറ്റു.കയ്യും വായുമൊക്കെ കഴുകി തന്റെ ബാഗും എടുത്ത് പുറത്തേക്ക് നടന്നു.
ഗോപിയേട്ടൻ പയ്യെ ചായ മൊത്തിക്കുടിക്കുന്നുണ്ട്. അഭിയെ കണ്ട് അത് വേഗത്തിലാക്കിയപ്പോ അഭി പയ്യെമതിയെന്ന് പറഞ്ഞു.
” എന്താ ദേവൂസേ… ചായമാത്രം കൊടുത്തേ? കഴിക്കാൻ കൊടുക്കാഞ്ഞയെന്താ ”
” ഈ ചായപോലും കുടിക്കാണ്ട് പോകാൻ നിന്നതാ… കുറെ പറഞ്ഞിട്ടാ ഇതിലെങ്കിലും എത്തിയത്. ”
ദേവകി അഭിയുടെ ചോദ്യത്തിന് മറുപടി പറഞ്ഞു.
” ഏയ്‌… ഞാൻ കഴിച്ചിട്ടിറങ്ങിയോണ്ടാ വേണ്ടാന്ന് പറഞ്ഞെ. ”
കുടിച്ചുതീർന്ന ചായഗ്ലാസ് ദേവകിയുടെ കയ്യിലേക്ക് വച്ചുകൊടുത്തുകൊണ്ടായിരുന്നു ഗോപി അത് പറഞ്ഞത്.
” എന്നാ നമുക്കിറങ്ങാം ഗോപിയേട്ടാ.. ”
അഭി പറഞ്ഞു.
” ശരി സാർ ”
” എന്റെ ഗോപിയേട്ടാ ഞാനെത്രവട്ടം പറഞ്ഞു എന്നെ സാർ എന്ന് വിളിക്കല്ലെന്ന്…എന്നെ അഭിയെന്ന് വിളിച്ചാമതി ”
അയാൾ അതിനൊന്ന് ചിരിച്ചുകാണിച്ചു.
” വല്യമ്മേ ഞാൻ പോയിട്ട് വരാട്ടോ.. ”
ദേവകി അഭിയെ കെട്ടിപ്പിടിച് നെറ്റിയിൽ ചുംബിച്ചു.
അവൻ സിറ്റൗട്ടിൽ നിന്ന് പുറത്തേക്കിറങ്ങി.
അവിടെ പാർക്ക്‌ ചെയ്ത കാർ കണ്ട് അഭിയുടെ കണ്ണുകൾ വിടർന്നു. അതിൽ അത്ഭുതം, സന്തോഷം അങ്ങനെ ഒട്ടേറെ ഭാവങ്ങൾ മിന്നിമാഞ്ഞു.
Rolls-Royce Cullinan ബ്ലാക്ക് ബാഡ്ജ്
അവൻ വല്യമ്മയുടെ മുഖത്തേക്ക് നോക്കി.
അവിടെ ഒരു കള്ളച്ചിരി.
അവൻ ഓടിച്ചെന്ന് വല്യമ്മയെ കെട്ടിപ്പിടിച്ചൊരുമ്മ കൊടുത്തു.
Oru rekshem illallo kuttappoo❤️❤️❤️?? keep writing mone❤️
ഈ പാർട്ടും പൊളി ബ്രോ…