രാജവ്യൂഹം 3 [നന്ദൻ] 981

ശിവരാമന്റെ മുഖത്തടിയേറ്റ പോലെ ആയി ഗംഗയുടെ മറുപടിയിൽ.. അയാൾ അമർഷത്തോടെ ഗംഗയെ തുറിച്ചു നോക്കി മുറിയിലേക്കു നടന്നു. 

 

ഗംഗയും അയാളുടെ നേരേ ചിറി കോട്ടി കാണിച്ചു കൊണ്ടു അയാളെ മറികടന്നു അടുക്കളയിലേക്കു നീങ്ങി.. 

 

“”എങ്ങനുണ്ട്  ആന്റിയമ്മേ ചെയിൻ..”” തന്റെ കഴുത്തിലെ പുതിയ പീക്കോക് ഡയമണ്ട് ലോക്കറ്റ് ഉള്ള പ്ലാറ്റിനം പെൻഡന്റ്  കാണിച്ചു കൊണ്ടു കല്യാണി അന്വേഷിച്ചു 

 

“” ആഹാ നല്ല രസമുണ്ട്.. അത് പിന്നേ അരവിന്ദേട്ടന്റെ സെലെക്ഷനല്ലേ മോശമാവില്ലലോ “” മാല പിടിച്ചു നോക്കി കൊണ്ട് ഗംഗ പറഞ്ഞു 

 

“”ഇതു മാല വാങ്ങിയ അച്ഛക്കുള്ള കോംപ്ലിമെൻറ് ആണോ അതോ എന്റെ അമ്മു അമ്മക്കുള്ളതോ “”

 

“”അതെന്താടി കുറുമ്പീ അങ്ങനെ ചോദിച്ചത് “”

 

“”അച്ഛെടെ ആദ്യത്തെ സെലെക്ഷൻ അതല്ലേ “”

 

“”പോടീ പെണ്ണെ കളിയാക്കാതെ “” അമൃത കല്യാണിയുടെ കയ്യിൽ വേദനിപ്പിക്കാതെ കൊട്ടി കൊണ്ട് പറഞ്ഞു.. 

 

“””ചേട്ടാ പായസം കുറച്ചു കൂടെ “””

ശിവരാമൻ പായസം ആസ്വദിച്ചു കുടിക്കുന്നത് കണ്ട അമൃത പായസം തവിയിൽ കോരി ശിവരാമന് നേർക്കു നീട്ടി.. അയാൾ നീട്ടിയ ഗ്ലാസ്സിലേക് അമൃത പായസം പകർന്നു.. 

 

“പെങ്ങളെ കുറെ നാള് കൂടിയ നല്ല പായസം കുടിക്കണേ ” ശിവരാമൻ അമൃതയെ അഭിനന്ദിച്ചു. 

 

“ചേട്ടാ പായസത്തിന്റെ ക്രെഡിറ്റ്‌ എനിക്കല്ല ദേ ഈ ഗംഗെടത്തിക്കാ  ” ഗംഗയുടെ ചുമലിൽ പിടിച്ചു തന്റെ മുന്നിലേക്ക് നിർത്തി കൊണ്ട് അമൃത പറഞ്ഞു.. 

 

ശിവരാമന്റെ മുഖം വിളറിയതു ഗംഗയ്ക് മനസ്സിലായി.. അയാൾ വീണ്ടും ഗ്ലാസ്‌ മുഖത്തേക് അടുപ്പിച്ചു 

 

“”ഹ്മ്മ് ഒരു പുക മണം പായസ്സത്തിന് “” അതും പറഞ്ഞു ശിവരാമൻ പെട്ടെന്ന് തന്നെ ഊണ് കഴിച്ചു പുറത്തേക് നടന്നു..

 

ഗംഗ അതു കണ്ടു അമൃതയെ നോക്കി ചിരിച്ചു. 

 

ശിവരാമന് ശങ്കറിനെയും ഫാമിലിയെയും കണ്ണെടുത്താൽ കണ്ടു കൂട.. അരവിന്ദൻ എന്ന അളിയന്റെ കൂടെ കൂടിയ ഇത്തിൾ കണ്ണി ആണ് ശങ്കർ എന്നാണ് അയാളുടെ ഭാഷ്യം.. അതു കൊണ്ടു തന്നെ ശങ്കർ ഇല്ലാത്ത അവസരങ്ങളിലൊക്കെ അയാൾ ഓരോ കുത്തു വാക്കുകൾ ഗംഗയോടും കുട്ടികളോടും പറയുകയും ചെയ്യും.. ശിവരാമന്റെ ഈ സ്വഭാവം അരവിന്ദനും ശങ്കറിനും  അറിയാം..  പക്ഷെ  എന്തെങ്കിലും പറഞ്ഞു കുടുംബ വഴക്കാക്കണ്ട എന്നു ശങ്കർ തന്നെയാണ് അരവിന്ദനോട് പറഞ്ഞത് അതു കൊണ്ടു അരവിന്ദനും പലതും കണ്ടില്ലെന്നു നടിച്ചു.. 

 

ഊണ് കഴിക്കുന്നതിനിടയിൽ പലവട്ടം അരവിന്ദിന് ഫോൺ വന്നു കൊണ്ടിരുന്നു ഭക്ഷണം കഴിക്കുന്ന കൂട്ടത്തിൽ തന്നെ അയാൾ ഫോണിൽ സംസാരിച്ചു കൊണ്ടും ഇരുന്നു.. 

 

“എന്താ അരവിന്ദേട്ടാ ഇതു.. കഴിക്കുമ്പോ എങ്കിലും അതു ഒന്ന് ഓഫാക്കി വെച്ചൂടെ ഇങ്ങനെ കഴിച്ചാൽ ശരീരത്തിൽ പിടിക്കുക കൂടി ഇല്ല.”  അമൃത സ്നേഹപൂർവ്വം പറഞ്ഞു.