രാജവ്യൂഹം 3 [നന്ദൻ] 981

 

അരവിന്ദൻ അമർത്തി ഒന്ന് മൂളിയ ശേഷം കോൾ കട്ട്  ചെയ്തു….അതിനു ശേഷം കാർ നേരെ ഓഫീസിലേക്ക് തന്നെ വിട്ടു… എല്ലാം ശങ്കറുമായി ഡിസ്‌കസ് ചെയ്യണം… തനിക്കിപ്പോ വിശ്വസിക്കാൻ പറ്റുന്നത് ശങ്കർ മാത്രമാണ് അരവിന്ദൻ ഓർത്തു… മുൻപും പലപ്പോളും ശിവരാമന്റെ ഇടപെടലുകളെ  കുറിച്ച് ശങ്കർ മുന്നറിയിപ്പ് തന്നതാണ്.. അപ്പോളൊക്കെ താൻ അതിനു വലിയ ഗൗരവം കൊടുത്തിരുന്നില്ല.. അല്ലെങ്കിൽ എല്ലാം ശെരിയാവും എന്നു വിചാരിച്ചു…

 

രാക്കമ്മയുടെ പദ്ധതികൾ ഒക്കെ താൻ കണ്ടറിഞ്ഞ സ്ഥിതിക് അവർ വെറുതെ ഇരിക്കും എന്നു തോന്നുന്നില്ല… പക്ഷെ അതിനു മുൻപ് ശിവരാമനും അവരുമായി എങ്ങനെ ബന്ധപെട്ടു എന്നറിയണം….

 

അരവിന്ദന്റെ കാർ ഓഫീസിൽ എത്തുമ്പോളേക്കും ശിവരാമൻ ഇറങ്ങി പുറത്തു വന്നിരുന്നു… ശങ്കർ ഒരു പ്രൊജക്റ്റ് മീറ്റിംഗിന് പോകും എന്നറിയിച്ചിരുന്നു.. ശിവരാമനെ കൂട്ടരുത് എന്നു താൻ പ്രേത്യേകം നിർദ്ദേശിക്കുകയും ചെയ്തിരുന്നു..

 

“”അളിയാ എന്നാൽ പോകാം “”കാറിന്റെ ഫ്രണ്ട് ഡോർ തുറന്നു ഉള്ളിലേക്കു ഇരുന്നു കൊണ്ട് ശിവരാമൻ പറഞ്ഞു…

 

എന്ത് വിദഗ്ധമായാണ് അയാൾ അഭിനയിക്കുന്നത്… അരവിന്ദന്റെ മനസ്സിൽ നുരഞ്ഞു പൊന്തിയ ദേഷ്യം അയാൾ അടക്കി… പകരം മുഖത്തു നേർത്തൊരു പുഞ്ചിരിയുടെ ആവരണം എടുത്തണിഞ്ഞു.. തനിക് ശിവരാമനെ സംശയം ഒന്നുമില്ല എന്നു അയാൾക്കു തോന്നണം എന്ന് അരവിന്ദൻ മനസ്സിൽ തീരുമാനിച്ചു കൊണ്ട് കാർ പതിയെ മുന്നോട് എടുത്തു…

 

ദേവ വിഹാറിന്റെ ഗേറ്റും കടന്നു ഉള്ളിലേക്കു വന്ന കാറിൽ നിന്നും  ചെറു ചിരിയോടെ അരവിന്ദ് ശേഖർ ഇറങ്ങി.. തന്റെ ടെൻഷനുകൾ ഒന്നും അയാൾ മുഖത്തു കാണിച്ചിരുന്നില്ല.. മറു സൈഡിൽ നിന്നും അരവിന്ദന്റെ അളിയൻ, അമൃതയുടെ മൂത്ത സഹോദരൻ ശിവരാമനും ഇറങ്ങി. 

 

കാർ വരുന്ന സൗണ്ട് കേട്ട്  അമൃത ഇറങ്ങി പുറത്തേക് വന്നു.. പുറകെ ഗംഗയും മറ്റു കുട്ടികളും ഉണ്ടായിരുന്നു.. ഉള്ളിൽ ഗംഗയെയും കുട്ടികളെയും കണ്ട ശിവരാമന്റെ മുഖം ഇരുണ്ടെങ്കിലും അത് ഭംഗിയായി മറച്ചു അരവിന്ദന്റെ കൂടെ അയാൾ വീടിനുള്ളിലേക്കു കടന്നു. 

 

“ഹായ് അച്ഛേ.. ” അരവിന്ദനെ കണ്ട കല്യാണി ഓടി വന്നു കെട്ടി പിടിച്ചു 

 

അരവിന്ദൻ കല്യാണിയുടെ നിറുകയിൽ തലോടി നെറ്റിയിൽ ഒരുമ്മ കൊടുത്തു  “””ഇതെന്റെ കുഞ്ഞൂസ് ജയിച്ചതിനു.. “”

 

പിന്നേ ഇതാ അച്ഛയുടെ സമ്മാനം കയ്യിൽ ഇരുന്ന ബോക്സ്‌ അരവിന്ദ് കല്യാണിയുടെ കയ്യിൽ കൊടുത്തു. 

 

ആ ബോക്സ്‌ തുറന്ന കല്യാണി സന്തോഷം കൊണ്ടു തുള്ളി ചാടി… 

 

“””താങ്ക്യു.. മൈ  സ്വീറ്റ് അച്ഛേ…””

 

കല്യാണി അരവിന്ദിനെ കെട്ടി പിടിച്ചു കവിളിൽ ഒരുമ്മയും  കൊടുത്ത്  ഉള്ളിലേക്കു ഓടി..