രാജവ്യൂഹം 3 [നന്ദൻ] 981

“”അതേടാ “”

 

“”ഒരൊറ്റ ചവിട്ടു തന്നാലുണ്ടല്ലോ അവന്റെ ഒടുക്കത്തെ മറവി.. ഫ്ലൈറ്റ് എങ്ങാനും മിസ്സായാൽ ദേ ഈ ടാക്സിക്ക്  തന്നെ നമ്മൾ മുംബയിലേക് പോകും.. ക്യാഷ് നീ കൊടുത്തോണം “” 

 

ആര്യൻ പറഞ്ഞത് കേട്ട്  ഋഷി ദയനീയമായി അവനെ നോക്കി.. 

 

കാറിനു തിരിച്ചു റൂമിൽ പോയി എയർപോർട്ടിൽ എത്തിയപ്പോളേക്കും ലേറ്റായിരുന്നു…

 

പാസ്‌പോർട്ടും എടുത്തു വേഗത്തിൽ തന്നെ ബോര്ഡിങ് പാസ്സ് ഇഷ്യൂ ചെയ്യുന്ന കൗണ്ടറിലേക് ഋഷിയും ആര്യനും നടന്നു..  

 

““ സോറി സർ, ഐ ക്യനോട്ട് ഇഷ്യൂ ദി ബോർഡിങ് പാസ് നൗ. ഇറ്റ്സ് ആൾറെഡി ക്ലോസ്ഡ് ആൻഡ് ഫ്ലൈറ്റ് ഈസ് റെഡി ഫോർ ടേക്ക്ഓഫ്.. വൈ ആർ യു പീപ്പിൾ സോ ലേറ്റ്..?     

 

ഋഷി ആര്യനെ നോക്കിയപ്പോൾ അവനെ കടിച്ചു കീറാനുള്ള ദേഷ്യം ഉണ്ടായിരുന്നു അവൻറെ മുഖത്ത് ..

 

“പ്ലീസ് മാഡം.. പ്ലീസ്..പ്ലീസ് പ്ലീസ് ” ഋഷി കൗണ്ടറിൽ ഉണ്ടായിരുന്ന പെൺകുട്ടിയോട് റിക്വസ്റ്റ് ചെയ്തു കൊണ്ടിരുന്നു 

 

“”പ്ലീസ് ഗിവ് ദി ടിക്കറ്റ് ആൻഡ് പാസ്പോർട്ട്‌ “” ഒടുവിൽ ആ പെൺകുട്ടി കൈ നീട്ടികൊണ്ട് പറഞ്ഞു 

 

“”കാര്യം കാണാൻ കഴുതക്കാലും പിടിക്കണമല്ലോ “” രണ്ടു പാസ്‌പോർട്ടും ആര്യന്റെ ഫോണിൽ ഉള്ള ടിക്കറ്റും നീട്ടി കൊണ്ട് ഋഷി ആര്യനോട്  അടക്കം പറഞ്ഞു “”

 

“”അങ്ങനെ ആവില്ല സാർ.. കഴുത… കാലും പിടിക്കും എന്നാവും “” 

 

“”അയ്യോ മലയാളി ആയിരുന്നല്ലേ.. “” കൗണ്ടറിൽ നിന്നും പെൺകുട്ടിയുടെ മറുപടി കേട്ട്  ചമ്മിയ ഋഷിയുടെ മുഖം  കണ്ട്  ആര്യനു  ചിരിയടക്കാനായില്ല..  

 

“”നീ എവിടെ പരിപാടി അവതരിപ്പിച്ചാലും ഇതാണല്ലോ സ്ഥിതി… വാ പോകാം “” ബോർഡിങ് പാസ്സ് വാങ്ങി  ആര്യൻ പറഞ്ഞു 

 

“” ഹായ് ആവണി… എന്താ ലേറ്റ് ആയെ “”

 

കൗണ്ടറിൽ നിന്നും ശബ്ദം കേട്ടു ആര്യനും ഋഷിയും ഒരുമിച്ച് അവിടേക്കു നോക്കി 

 

കൗണ്ടറിനു മുന്നിൽ ആഷ് കളർ ആംഗിൾ കട്ട്‌ ജീൻസും വൈറ്റ് ടി ഷർട്ടും ധരിച്ച ഒരു പെൺകുട്ടി നിക്കുന്നുണ്ടായിരുന്നു 

 

“” ബ്ലോക്കിൽ പെട്ടു പോയി..ഇതാ ടിക്കറ്റും പാസ്സ്പോര്ട്ടും ” അവൾ കൗണ്ടറിലേക് നീട്ടി.. 

 

“”ആഹാ കൊള്ളാല്ലോ…”” അവളെ നോക്കി ഋഷി ആര്യനോട് പറഞ്ഞു.. 

 

“”ങ്ങാ നീ അതും നോക്കി ഇവിടെ നിന്നോ ഞാൻ പോകുവാണ്. “

 

ഋഷിയോടു പറഞ്ഞു  ആര്യൻ മുൻപോട്ടു നടന്നു.. 

 

““സൗന്ദര്യം ആസ്വദിക്കാനറിയാത്ത തെണ്ടി..”” ആര്യന്റെ അടുത്തേക് വന്നു ഋഷി പറഞ്ഞു..