രാജവ്യൂഹം 3 [നന്ദൻ] 981

“” ങ്ങും വന്നിട്ട് കണ്ടോണം ഇന്ന് പിണക്കം ആയിരിക്കും മിക്കവാറും “”

 

“” അതു സാരമില്ല സ്ഥിരം ഉള്ളതാണല്ലോ “” അരവിന്ദന്റെ ചുണ്ടിൽ ഒരു ചിരി വിടർന്നു. 

 

“” ലഞ്ചിന്‌ ശങ്കരേട്ടന് വരാൻ പറ്റാത്തത് കൊണ്ടു ഡിന്നറിനു വരും എന്തേലും റെഡി ആകണ്ടേ അമ്മു  “” അരവിന്ദൻ ചോദിച്ചു 

 

“” അയ്യോ ശങ്കരേട്ടൻ വരുമോ.. ഞാൻ ഉള്ളത് കൊണ്ടു അഡ്ജസ്റ്റ് ചെയ്യാന്നു വിചാരിച്ചു ഇരിക്കുകയായിരുന്നു. “

 

“” നീ ഒരു കാര്യം ചെയ് കുറച്ചു വെജ് ബിരിയാണി റെഡിയാക്ക് .. അതും സലാഡും മതി ബാക്കി പായസം ഒക്കെ ഉണ്ടല്ലോ..””

 

“”ശെരിയാ.. എന്നാൽ ഞാൻ റെഡിയാക്കാം  പെട്ടെന്ന്.. “‘ അതും പറഞ്ഞു അമൃത അടുക്കളയിലേക്കു നടന്നു.. 

 

അരി എടുത്തു കഴുകി വെച്ചു വെജിറ്റബിൾ കട്ട്‌ ചെയ്തു കൊണ്ടിരിക്കുമ്പോളാണ്   ഗംഗയും ശങ്കറും കൂടെ വന്നതു.. 

 

ശങ്കറും അരവിന്തും ഹാളിൽ ഇരുന്നു സംസാരിക്കുമ്പോൾ ഗംഗ അടുക്കളയിലേക് വന്നു.. 

 

“”എന്താ അമൃതേ കാര്യമായ പണിയിൽ ആണല്ലോ….ഞാനും കൂടാം. “” സ്റ്റാൻഡിൽ നിന്നും നൈഫ് എടുത്തു  കൊണ്ട് ഗംഗ പറഞ്ഞു.. 

 

“”കാര്യമായ ഒന്നുമില്ല ചേച്ചി വെജ് ബിരിയാണി വെക്കാം എന്നു വെച്ചു… ശങ്കരേട്ടന് ഉച്ചക്ക് വരാൻ പറ്റിയില്ലലോ “”

 

“” പിള്ളേരിനി പുറത്തൂന്നു കഴിച്ചിട്ടേ വരൂ നമുക്ക് മാത്രം മതിയല്ലോ ” ക്യാരറ്റ് എടുത്തു അരിഞ്ഞു കൊണ്ടു ഗംഗ പറഞ്ഞു.. 

 

“”എന്നാലും ശിവേട്ടൻ ഇങ്ങനെ ചെയ്യും എന്നോർത്തില്ല അല്ലേ അമൃതേ “” ഗംഗ അമൃതയോടായി പറഞ്ഞു 

 

ശങ്കരേട്ടൻ ഗംഗയോട് എല്ലാം പറഞ്ഞു എന്നു അമൃതയ്ക് മനസ്സിലായി.. അമൃതയുടെ മുഖം മ്ലാനമാവുന്നത് ഗംഗയ്ക്ക് മനസ്സിലായി.. 

 

“”അയ്യോ അമൃതേ നീ വിഷമിക്കാൻ പറഞ്ഞതല്ല… അരവിന്ദേട്ടൻ ഇല്ലായിരുന്നു എങ്കിൽ ഞങ്ങൾ ഈ സ്ഥിതിയിൽ ഉണ്ടാവുമായിരുന്നൊ….ഇപ്പോൾ ഈ സംഭവം എല്ലാം അറിഞ്ഞു  കഴിഞ്ഞപ്പോ അരവിന്ദേട്ടൻ പറഞ്ഞു ശങ്കരേട്ടനു വന്ന നഷ്ടം അരവിന്ദേട്ടന്റെ ഷെയറിൽ നിന്നു തരാം എന്നു.. ഞങ്ങള്ക്ക് അതേ ഉള്ളു വിഷമം…നമ്മൾ അന്യരെപോലെ അല്ലല്ലോ കണ്ടിട്ടുള്ളത് “”

 

അക്കൗണ്ടിലേ പൊരുത്തക്കേടുകൾ മാത്രമേ പറഞ്ഞിട്ടുള്ളു എന്നു അമൃതയ്ക്ക് തോന്നി..

 

“” അങ്ങനെ ആയിരിക്കില്ല ഗാംഗേടത്തി അരവിന്ദേട്ടൻ ഉദേശിച്ചിട്ടുണ്ടാവുക എന്റെ ഏട്ടൻ കാരണം ഒരു നഷ്ടം സംഭവിച്ചിട്ടുണ്ടെങ്കിൽ അതു ഞങ്ങളുടെ തെറ്റ് എന്നു കരുതിയിട്ടുണ്ടാകും അതാവും അങ്ങനെ പറഞ്ഞിട്ടുണ്ടാവുക.. “”

 

“എന്താ ഭാര്യമാരെ ചർച്ച… ” കിച്ചന്റെ വാതിൽക്കൽ നിന്നും ശബ്ദം കേട്ട രണ്ടു പേരും തിരിഞ്ഞു നോക്കി 

അടുക്കളയിലേക്കു ശങ്കറും അതിനു പിറകെ അരവിന്ദും  നടന്നു വന്നു.