രണ്ടാം ജന്മം 4[അജി] 205

 

ഞാൻ ചോദിക്കുന്നത് കേട്ട് അച്ഛനും അമ്മയും ഞെട്ടി.അവർ വിശ്വാസമാവാത്ത രീതിയിൽ എന്നെ നോക്കുന്നുണ്ടായിരുന്നു.

 

“അതിനെന്താ.. മോൻ അച്ഛന്റെ കൂടെ വരുന്നത് സന്തോഷമേയുള്ളൂ… നീ എനിക്ക് ശേഷം ആ ഹോട്ടൽ നോക്കി നടത്തണം എന്നാണ് അച്ഛന്റെ ആഗ്രഹം”

അച്ഛൻ എന്നോട് പറഞ്ഞു.

 

ഞാനും അച്ഛനും ഹോട്ടലിലേക്ക് പോയി. ഹോട്ടലിൽ എന്നെ ആദ്യമായി കാണുന്നവർക്ക് അച്ഛൻ എന്നെ പരിചയപ്പെടുത്തി. എന്നെ മുൻപ് അറിയാവുന്നവർക്ക് എന്നെ അവിടെ കണ്ടത് അത്ഭുതമായിരുന്നു.കിരൺ ഹോട്ടലിന്റെ പരിസരത്തൊന്നും വരാത്ത ആളായിരുന്നു.

 

അച്ഛൻ എന്നെ കൗണ്ടറിൽ ഇരുത്തി.ഞാൻ അവിടെ വന്നവരിൽ നിന്ന് കാശ് വാങ്ങാൻ ഇരുന്നു.വേറെ ഒന്നും ചെയ്യാൻ അച്ഛൻ സമ്മതിച്ചില്ല. അച്ഛന് ഞാൻ അവിടെ ഇരിക്കുന്നത് ഏറെ സന്തോഷം നൽകുന്ന കാര്യമായിരുന്നു.

 

ഇടക്ക് ഇരുന്ന് മടുത്തപ്പോൾ അടുക്കളയിൽ പണി എടുക്കുന്നവരെ സഹായിക്കുവാനും ഞാൻ നിന്നു. ഞാൻ എല്ലാവരുമായി നല്ല കമ്പനി ആയി. ഹോട്ടൽ ആയതിനാൽ അവിടെ നിന്ന് തന്നെ ഞാൻ ഭക്ഷണം കഴിച്ചു. ഉച്ചക്ക് വീട്ടിലേക്ക് പോവേണ്ടി വന്നില്ല.

 

വൈകുന്നേരം ഹോട്ടൽ അടച്ച് കണക്കുകൾ തീർത്ത് ഞങ്ങൾ വീട്ടിലേക്ക് പോന്നു. ഞങ്ങളെയും കാത്ത് അവർ ഇരിക്കുന്നുണ്ടായിരുന്നു.

 

“നിങ്ങൾ എന്താ മനുഷ്യാ ഇത്ര താമസിച്ചേ… മോനെയും കാത്ത് മോള് കാണാതെ വിഷമിച്ചിരിക്കാ…. നിങ്ങളോ നേരത്തിന് വരില്ല. മോനെങ്കിലും നേരത്തെ പറഞ്ഞുവിട്ടൂടെ…”

 

അമ്മ നേരം വൈകിയതിന് അച്ഛനെ ചീത്ത പറഞ്ഞു.

 

“കിച്ചുട്ടാ…. മോൻ ഇത്രെയും നേരമൊന്നും കടയിലിരിക്കേണ്ടാ…. നാളെ തൊട്ട് നേരത്തെ വന്നോളോ…. നിന്നെ കാണാതെ ഒരാൾ വിഷമിച്ചിരിക്കുണ്ട് ”

 

അമ്മ എന്നോട് പറഞ്ഞത് അനുവിനെ കുറിച്ചാണെന്ന് മനസ്സിലായി.പാവം ഞാൻ ഇല്ലാതെ ഇവിടെ ഒറ്റ പെട്ട് പോയി കാണും.

 

“അമ്മു ഇത് നിനക്കാ….”

 

ഞാൻ ഹോട്ടലിൽ ബാക്കി വന്ന പലഹാരങ്ങൾ അമ്മുവിന് കൊടുത്തു. അത്‌ കിട്ടിയപ്പോൾ അവൾക്ക് സന്തോഷമായി.

 

“എന്റെ കുച്ചുവേട്ടൻ ഒന്നും മറന്നിട്ടില്ല…. താങ്ക്സ്…”

 

അവൾ പലഹാരങ്ങൾ കിട്ടിയ സന്തോഷത്തിൽ പറഞ്ഞു.