രണ്ടാം ജന്മം 4[അജി] 205

“അതേ… നിനക്ക് വേണ്ടിയാ ഞാൻ ഇവിടെ നിൽക്കുന്നത്…”

 

“മ്മ് ”

അവളൊന്ന് മൂള്ളി

 

“അനു നമ്മുക്ക് നാളെ പുറത്തേക്ക് പോയല്ലോ…?”

 

“അത്‌ എന്തിനാ…”

 

“നമ്മുക്ക് കല്യാണത്തിന് റീസെപ്ഷനും മറ്റും ഇടാൻ കുറച്ച് ഡ്രസ്സ്‌ വാങ്ങാൻ പോവാം…”

 

“അപ്പോ… പൊന്നു…”

 

“അവളെയും കൊണ്ട് പോവാം…”

 

“മ്മ് ”

അവൾ സമ്മതം എന്നോണം മൂളി.

 

രാവിലെ ഞാൻ താഴേ ചെല്ലുമ്പോൾ അമ്മ അച്ഛന് ചായ കൊടുക്കുകയായിരുന്നു. ഞാൻ അനുവിന്റെ അടുത്തേക്ക് ചെന്നു.

 

“നീ അമ്മയോട് പുറത്തേക്ക് പോണ കാര്യം പറഞ്ഞോ…”

ഞാൻ അനുവിനോട് ചോദിച്ചു.

 

“ഞാൻ വേണോ ചോദിക്കാൻ ചേട്ടൻ ചോദിക്ക് അവരോട്…”

 

“എന്നാൽ വാ…”

 

ഞാൻ അവളെയും കൂട്ടി അവരുടെ അടുത്തേക്ക് നടന്നു. ഞങ്ങളെ ഒരുമിച്ച് കണ്ടാ അവർ ഞങ്ങളെ നോക്കി.

 

“അച്ഛാ… ഞങ്ങളൊന്ന് പുറത്തേക്ക് പൊക്കോട്ടെ….”

ഞാൻ അച്ഛനോട് ചോദിച്ചു.

 

“അതിന് എന്താ മോനെ നിങ്ങൾ പുറത്തേക്ക് ഒക്കെ പോയിട്ട് വന്നോ… വേണേൽ എന്റെ കാറും എടുത്തോ…”

അച്ഛൻ എന്നോട് പറഞ്ഞു.

 

“എവിടെക്കാ മക്കളെ നിങ്ങൾ പോവുന്നേ….”

അമ്മ ഞങ്ങളോട് ചോദിച്ചു.