രണ്ടാം ജന്മം 4[അജി] 205

അവൾക്ക് കാര്യം പിടി കിട്ടി.ഞാൻ അവളെ നോക്കി ചിരിച്ചു. അവൾക്ക് കാര്യം പിടി കിട്ടി. ഞാൻ ആ മുറി പരിശോധിക്കാൻ തുടങ്ങി. അവിടെ മരത്തിന്റെ വലിയ ആട്ട് തൊട്ടിലുണ്ടായിരുന്നു. അവരിത് പൊന്നുവിന് വേണ്ടി ഒരുക്കിയതാണെന്ന് തോന്നുന്നു.

 

“ഈ ഡ്രസ്സ്‌ എടുത്തിട്… എന്നിട്ട് നമ്മുക്ക് ഒരുമിച്ച് താഴേക്ക് പോവാം… എനിക്കെന്തോ ഒറ്റക്ക് പോവാൻ ഒരു പേടി ”

 

“സാരമില്ല ഞാനും കൂടെ വരാം ”

 

ഞാൻ അവൾ നീട്ടിയ വസ്ത്രം വാങ്ങി ധരിച്ചു. ഞാനും അനുവും കൂടി താഴേക്ക് ചെന്നു. പൊന്നുവിനെ അവർ കൊഞ്ചിക്കുന്ന തിരക്കിലായിരുന്നു.

 

“മക്കൾ വാ ഇരിക്ക് ചായ കുടിക്ക്…”

 

അമ്മ ഞങ്ങളെ അടുത്ത് പിടിച്ചിരുത്തി. കുറെ അധികം പലഹാരങ്ങൾ തന്നെ അവിടെയുണ്ടായിരുന്നു. ഞങ്ങൾ അതൊക്കെ കഴിക്കാൻ തുടങ്ങി.

 

“മോളുടെ ചായയുടെ അത്ര രുചി ഇവളുണ്ടാക്കുന്നതിന് ഇല്ല. മോള് എങ്ങനെയാ ചായയുണ്ടാക്കാന്ന് ഇവൾക്ക് പറഞ്ഞ് കൊടുക്കണേ…”

 

അച്ഛൻ അനുവിനോട് പറഞ്ഞു.

 

“ഓ… എന്നാൽ നിങ്ങൾ ഇവളെ ഹോട്ടലിക്ക് കൊണ്ടൊക്കോ…”

 

അമ്മ അച്ഛൻ പറഞ്ഞത് ഇഷ്ടപ്പെടാതെ പറഞ്ഞു. അച്ഛൻ ഒരു ഹോട്ടൽ നടത്തുകയാണ്. അത്യാവശ്യം വലിയ ഹോട്ടൽ തന്നെയാണ്. അവിടെക്ക് അനുവിനെ കൊണ്ട് പൊക്കോ എന്നാണ് അമ്മ പറഞ്ഞത്.

 

“അയ്യോ… അച്ഛന് എത്ര ചായ വേണമെങ്കിലും ഞാൻ ഇട്ട് താരല്ലോ…”

അനു അച്ഛനോട് പറഞ്ഞു.

 

“ചായ മാത്രം അല്ല അച്ഛാ… ഇവൾ എന്ത് വെച്ചാലും അതിഞ്ഞൊക്കെ ഭയങ്കര രുചിയാ…”

 

ഞാൻ അനുവിനെ പൊക്കി പറഞ്ഞു. പോക്കലല്ല അത്‌ സത്യം തന്നെ ആയിരുന്നു.

 

“ഇവിടെ ഒരുത്തിയുണ്ട്. ചായ പോലും മരിയദ്ദക്ക് വെക്കാൻ അറിയില്ല… നാളെ ഒരു കുടുംബത്തിൽ കയറി ചെല്ലുമ്പോൾ എന്താവും ആവോ…”

 

അമ്മ അമ്മുവിനെ കളിയാക്കി പറഞ്ഞു. അത്‌ അവൾക്ക് ഇഷ്ടമായില്ല.

 

“എനിക്ക് പാചകം ചെയ്യാനൊക്കെ അറിയാം.. അതിനൊക്കെ നല്ല ടേസ്റ്റാ…”

അമ്മു അത്‌ ഇഷ്ടപ്പെടാതെ പറഞ്ഞു.

 

“അത്‌ ഞങ്ങൾക്കും കൂടി തോന്നണ്ടേ…”

അച്ഛൻ തിരച്ചിടിച്ചു. ഞങ്ങൾ അത് കെട്ട് ചിരിക്കാൻ തുടങ്ങി.