രണ്ടാം ജന്മം 4[അജി] 205

രാത്രി കിടക്കാൻ നേരം ഞാൻ മുറിയിലേക്ക് പോയി. അപ്പോൾ അവിടെ അനു മാത്രമേ ഉണ്ടായിരുന്നുള്ളു.

 

“ഇവിടെ ഇന്ന്  വേറെ ആരും ഇല്ലേ…”

ഞാൻ അനുവിനോട് ചോദിച്ചു.

 

“ഹേയ്… പൊന്നു ഇന്നലെ ഉറക്കത്തിൽ എഴുന്നേറ്റ് കരഞ്ഞു.

അത്‌ കേട്ട് എല്ലാവരുടെയും ഉറക്കം പോയി. അതാ വേറെ ആരും ഇന്നിവിടെ കിടക്കാത്തെ….”

 

“അത്‌ ഏതായാലും നന്നായി. എനിക്ക് ഇവിടെ കിടക്കാലോ…”

 

ഞാൻ ഒരു തലയിണാ എടുത്ത് താഴേ കിടക്കാൻ നോക്കി.

 

“വേണ്ടാ… താഴേ കിടക്കേണ്ടാ… ഇവിടെ കിടന്നോ….”

 

അനു നീങ്ങി ഇരുന്ന് എന്നെ കിടക്കയിൽ കിടക്കാൻ വിളിച്ചു.ഞാൻ അനു പറയുന്നത്‌ കേട്ടപ്പോൾ ഞെട്ടി പോയി. ഞാൻ മടിച്ച് മടിച്ച് അവൾക്കരികിൽ ഇരുന്നു.

 

“അത്‌ വേണോ…. ഞാൻ ഇവിടെ കിടക്കണോ …”

 

“എനിക്ക് കിച്ചുവേട്ടനെ വിശ്വാസമാ ഇവിടെ കിടന്നോ…?”

 

അനു അങ്ങനെ പറഞ്ഞപ്പോൾ എനിക്ക് സന്തോഷമായി. അവൾ ഇപ്പോൾ എന്നെ ഇഷ്ടപ്പെടുന്നത് പോലെ.

 

“അനു ഞാൻ ഒരു കാര്യം പറയട്ടെ….”

ഞാൻ അനുവിനോട് ചോദിച്ചു.

 

“പറഞ്ഞോ….”

 

“അനു… എനിക്ക് നിന്നെ ഇഷ്ടാ… ഭയങ്കര ഇഷ്ടാ… ഞാൻ നിന്നേ എന്റെ ഭാര്യ ആയിട്ട് തന്നെയാ കാണുന്നത്. പൊന്നുവിനെ നമ്മുടെ മോള് ആയിട്ട് തന്നെയാ കാണുന്നത്. നിനക്ക് എന്നെ അങ്ങനെ തിരിച്ച് കാണാൻ പറ്റോ…”

 

ഞാൻ എന്റെ ഉള്ളിലുള്ളത് മുഴുവൻ അവളോട് പറഞ്ഞു. അനു ഞാൻ പറയുന്നത് കേട്ട് എന്നെ കെട്ടിപിടിച്ചു. കെട്ടിപിടിച്ച് കരയാൻ തുടങ്ങി.

 

“എനിക്കും നിന്നെ ഇഷ്ടാ….ഞാൻ നീ ചെയ്യുന്ന ഓരോ കാര്യവും ശ്രെദ്ധിക്കാറുണ്ടായിരുന്നു.ഞാൻ കാണാൻ ആഗ്രഹിച്ച കിച്ചുവേട്ടൻ ഇങ്ങനെ ആയിരുന്നു. അത്‌ നിന്നിലൂടെ എനിക്ക് കിട്ടിയത് പോലെ. കിച്ചുവേട്ടൻ ആയി തന്നെയാ നിന്നെ ഞാൻ കണ്ടത്…”

 

അനു പറയുന്നത്‌ കേട്ട് എനിക്കും സന്തോഷമായി. ഞാൻ അവളെ തിരിച്ചും കെട്ടിപിടിച്ചു. ഞാനും അപ്പോൾ സന്തോഷം കൊണ്ട് കരഞ്ഞു പോയി.

 

“ഞാൻ ജീവിതം വെറുത്ത് പോയി കൊണ്ടിരിക്കുമ്പോളായിരുന്നു ഏട്ടൻ എന്റെ ജീവിതത്തിലേക്ക് വരുന്നത്. പൊന്നു ഉള്ളത് കൊണ്ട് മാത്രാ ഞാൻ ജീവിച്ചിരുന്നത്. ഇല്ലെങ്കിൽ എന്നെ ഞാൻ ആത്മഹത്യ ചെയ്താനേ…

 

എന്റെ ജീവിതത്തിലേക്ക് ഒരു പ്രതീഷയുമായി വന്നിട്ട് ഇനി എന്നെ ഒറ്റക്ക് ആക്കി പോവല്ലേ കിച്ചുവേട്ടാ…. എന്നെ വീണ്ടും കരയിപ്പിക്കല്ലേ….”