രണ്ടാം ജന്മം 4[അജി] 205

അമ്മു പറയുന്നത് കേട്ടപ്പോൾ എനിക്ക് അനുവിനെ അങ്ങനെ അത്രയും നേരം നോക്കി ഇരുന്നപ്പോൾ ഒരു ചമ്മൽ പോലെ. അനുവിന്റെ മുഖത്തൊരു നാണവും ഞാൻ കണ്ടു.

 

എനിക്ക് അനുവിന്റെ ആ കൈയിൽ ഒരു ഉമ്മ വെക്കണം എന്നുണ്ടായിരുന്നു. അനു അത്‌ ഏത് രീതിയിൽ പ്രതികരിക്കും എന്ന് അറിയാത്തതിഞ്ഞാൽ ഞാൻ അതിന് മുതിർന്നില്ല.

 

“അതേ… ഞാൻ ഇവിടെ നിൽക്കുന്നത് നോക്കണ്ടാ…. വേണേൽ ഒരു ഉമ്മ കൊടുത്തോ… എനിക്ക് പ്രശ്നമില്ല ”

 

“അയ്യെടാ… ഞാൻ അവളെ മുറയിൽ കൊണ്ട് പോയി ഉമ്മ കൊടുത്തോണ്ട്…. നീ കാണേണ്ടാ….”

ഞാൻ അവൾക്ക് തിരിച്ചടിച്ചു.

 

“കൈയില് മാത്രമേ കൊടുക്കാൻ പാടുള്ളു…”

 

ഈ പെണ്ണിന് നാവിന് ഒരു ലൈസൻസുമില്ല എന്ന് തോന്നുന്നു. അനു അവളുടെ കൈയിൽ ഒരു നുള്ള് കൊടുത്തു.

 

“ഹാ…”

അവൾ നുള്ള് കിട്ടിയിടത്ത് തടവി.

 

“ഏടത്തിക്ക് നാണം വന്നു….”

 

അമ്മു അനുവിനെ കളിയാക്കാൻ തുടങ്ങി. അപ്പോഴാണ് ഞാൻ അനുവിന്റെ മുഖം ശ്രെദ്ധിക്കുന്നത്. അവളുടെ മുഖം നാണത്താൽ ചുവന്നിരിക്കുന്നു.ഇനി അനു അത്‌ ആഗ്രഹിച്ചിരുന്നോ…? എന്നെ അവൾ ഇഷ്ടപ്പെടുന്നുണ്ടോ….? എനിക്ക് ഒന്നും വ്യക്തമാവുന്നില്ല.

 

വൈകുന്നേരം ഭക്ഷണ ശേഷം ഞാനും അനുവും വർത്തമ്മാനം പറഞ്ഞിരിക്കുമ്പോളായിരുന്നു അമ്മു അങ്ങോട്ട്‌ വരുന്നത്.

 

“എന്താണ് റൊമാൻസ് ആണോ….?”

 

അമ്മു അതും പറഞ്ഞ് എന്റെ അടുത്തേക്ക് വന്നു. ഞാൻ അവളുടെ ചെവി പിടിച്ച് തിരിച്ചു.

 

“കുറച്ച് നേരമായി നീ കളിയാക്കാൻ തുടങ്ങിയിട്ട്”

ഞാൻ അവളുടെ ചെവി പിടിച്ച് തിരിച്ചുകൊണ്ട് പറഞ്ഞു.

 

“ഹാ…. ചേട്ടാ… വിട്… വിട്…. വേദനിക്കുന്നു…”

 

അവൾ ഒച്ച വെച്ചപ്പോൾ ഞാൻ അവളുടെ ചെവിയിൽ നിന്ന് പിടുത്തം വിട്ടു. അവൾ വേദന കൊണ്ട് ചെവി തിരുമ്മാൻ തുടങ്ങി. അവൾ എന്നെ ദേഷ്യത്തോടെ നോക്കി.