രണ്ടാം ജന്മം 4

Author :അജി

[ Previous Part ]

കിരണിന്റെ വീടിനെ കുറിച്ചും വീട്ടുകാരെ കുറിച്ചും അനു എനിക്ക് പറഞ്ഞ് തന്നിരുന്നു. അനിയത്തി കീർത്തിയുടെ ഫേസ്ബുക്കിൽ നിന്ന് എല്ലാവരുടെയും ഫോട്ടോ അടക്കം അനു എനിക്ക് കാട്ടി തന്നു. ഞാൻ അത്‌ ആരൊക്കെയാന്നെന്ന് പഠിക്കുകയും ചെയ്തു. അവരെ തെറ്റി പോവരുതല്ലോ…

കല്യാണത്തിന് ശേക്ഷം വീട്ടുകാരുമായി യാതൊരു ബന്ധവും ഞങ്ങൾക്കിലായിരുന്നു. രണ്ട് കൂട്ടരും അത്‌ ഉപേക്ഷിച്ചിരുന്നു. നാട്ടിൽ നിന്ന് മാറി ഒരുപാടകലെയാണ് ഞങ്ങളിപ്പോൾ താമ്മസിക്കുന്നത്.

ഞങ്ങൾ വീട്ടിലേക്ക് എത്തി. അതൊരു വലിയ വീടായിരുന്നു. പഴയ നാല് കെട്ട് മോഡൽ വീട്.ഒരുപാട് നാളുകൾക്ക് ശേഷമാണ് ഞങ്ങൾ വീട്ടിലേക്ക് വരുന്നത്. ഞാൻ ആദ്യമായും. അനു വീടിനെ കുറിച്ച് ഏകദേശ ധാരണകൾ എല്ലാം പറഞ്ഞ് തന്നിരുന്നെങ്കിലും ഉള്ളിൽ എന്തോ ഒരു പേടി പോലെ.

അനുവിന്റെ മുഖത്തും പേടിയുള്ളത് പോലെ എനിക്ക് തോന്നി. ഞാനും അനുവും കൈകൾ കൂട്ടി പിടിച്ച് വീട്ടിലേക്ക് നടന്നു.

ഞങ്ങളെ പ്രതീക്ഷിച്ച് അവരവിടെ ഉമ്മറത്ത് തന്നെ നിൽക്കുന്നുണ്ടായിരുന്നു. അവർ ആരതിയുമായിട്ടായിരുന്നു നിന്നിരുന്നത്.

“മോളി വിളക്കും പിടിച്ച് വേണം ഈ വീട്ടിലേക്ക് കടന്നു വരാൻ…

അന്ന് നിങ്ങളെ അങ്ങനെ സ്വീകരിക്കാൻ പറ്റിയില്ല. ഇപ്പോൾ നിങ്ങൾ ഇങ്ങനെ വേണം വീട്ടിലേക്ക് കയറാൻ ”

അമ്മ വിളക്ക് അനുവിന് നൽകികൊണ്ട് പറഞ്ഞു.അമ്മ അങ്ങനെ പറഞ്ഞപ്പോൾ അനു കരയുന്നുണ്ടായിരുന്നു.

“അയ്യേ… ആദ്യമായി വീട്ടിൽ കയറുമ്പോൾ മോള് കരയാ… മോളി വിളക്ക് വാങ്ങി വലത് കാല് വെച്ച് അകത്തേക്ക് വാ….”