മിഴിരണ്ടിലും..3 [Jack Sparrow] 238

“ഒന്ന് വേഗം വാ മൈരോളേ..!”

 

 

അവന്മാരുടെ കോപ്രായങ്ങൾ കണ്ടുനിന്ന എനിക്ക് പൊളിഞ്ഞു..

 

 

 

“അതിന് നീ എന്തിനാ കിടന്നു തുള്ളുന്നേ..? വരുവല്ലേ..”

 

 

തോളിൽ കൈയ്യിട്ടുകൊണ്ട് നികേഷ് പറഞ്ഞു..

 

 

 

“ദേ നോക്കടാ അവള് വരുന്നു..”

 

 

അരുൺ എന്നെ തോണ്ടികൊണ്ട് പറഞ്ഞു..

 

 

അതിന്,

 

തിരിഞ്ഞ് വലത്തോട്ട് നോക്കിയതും,വേറെ കുറച്ച് പെൺപിള്ളേരുടെ കൂടെ എന്തൊക്കെയോ പറഞ്ഞ് ചിരിച്ചു കളിച്ചു വരുന്ന ദേവിയെ ആണ് കണ്ടത്… ആ വരവ് കണ്ടപ്പോൾ തന്നെ ഉള്ളിലെവിടെയൊക്കെയോ ഒരു കുളിർ..എന്താ പറയാ ഞാനങ്ങനെ അവളെ തന്നെ നോക്കി നിന്നുപോയി..പെട്ടന്നെന്തോ പറഞ്ഞു മുഖം തിരിച്ച അവള് കാണുന്നത് അവളെ ഇമവെട്ടാതെ

നോക്കിനിൽക്കുന്നയെന്നെയാണ്..പെട്ടന്നെന്നെ കണ്ടതും, ആ മുഖത്ത്നിന്ന് നേരെത്തെ കണ്ട ചിരിയും ഉത്സാഹവുമെല്ലാമെവിടെയോ പോയി.. അതുകണ്ടതും എനിക്കുമെന്തോപോലെയായി..

 

 

“എൻ്റെടാ..ഒരു മയത്തിലൊക്കെ നോക്ക്..ദേ അവളടുത്തെത്തി..”

 

 

 

അരുണെൻ്റെ ചെവിയിലായി പറഞ്ഞു..

 

അപ്പോഴേക്കും അവളെൻ്റെ മുന്നിലൂടെ കടന്നുപോയിരുന്നു.. ആ സമയത്തും അവളെന്നെ നോക്കിയെന്ന് മാത്രമല്ല, ആ മുഖത്തൊരു ദയനീയഭാവമില്ലേയെന്നെനിക്ക് തോന്നി.. തോന്നലല്ല..ഉണ്ടായിരുന്നു..

 

 

 

“വെറുതെ വായുംപൊളിച്ച് നിക്കാതെ അങ്ങോട്ട് നടക്ക് മൈരേ..”

 

 

 

നികേഷെന്നെ തള്ളിക്കൊണ്ട് പറഞ്ഞു..