മിഴിരണ്ടിലും..3 [Jack Sparrow] 238

 

 

 

“ദേ ചെക്കാ..വെറുതെ കളിക്കല്ലെ..വേഗം പോയി കുളിച്ച് റെഡിയാവ്.. നേരത്തെ തന്നെ പോവാൻ പറഞ്ഞിട്ടുണ്ട് അച്ഛൻ..നമ്മക്ക് ഒരു ഒൻപതര ആവുമ്പോഴേക്കും പോവാം..”

 

 

 

അവളതും പറഞ്ഞുകൊണ്ടവളുടെ റൂമിലേക്ക് പോയി ഡോറടച്ചു..

ഇതിപ്പോ പണിയായല്ലോ..ഒരു 11 മണിയൊക്കെ ആവുമ്പോഴേക്കും പോയി തലേം കാണിച്ച് ഫുഡടിച്ച് വരാമെന്നുള്ള പ്ലാനിലായിരുന്നു ഞാൻ.. ഇതിപ്പോയിവൾടെ മട്ടും ഭാവോം കണ്ടാൽ കെട്ട് കഴിഞ്ഞ് ചെക്കനെയും പെണ്ണിനേയും ഫസ്റ്റ് നയിറ്റിനുവിട്ടാലും ഇവള് വരുന്നു തോന്നണില്ല.. എന്തൊരുൽസഹം..!

 

പിന്നെയവിടെ കിടന്ന് കൂടുതൽ തിരിഞ്ഞ് കളിക്കാതെ ഞാനും പോയി വേഗം ഫ്രഷായി വന്നു..അവള് പറഞ്ഞതിനേക്കാളും നേരെത്തെ റെഡിയാവുകേം ചെയ്തു..എന്നെക്കാൾ മുൻപ് കുളിച്ചൊരുങ്ങി നിക്കണതാണ്.. എന്നിട്ടും ഇവൾടെയൊരുക്കമതുവരെ കഴിഞ്ഞിരുന്നില്ല.. അവളെ നോക്കിയിരുന്ന് ക്ഷമകെട്ട ഞാൻ അവളെ വിളിക്കാനായി എഴുന്നേറ്റതും അവള് റെഡിയായി വരുന്നതാണ് കണ്ടത്..

 

 

 

“വെളുപ്പിനേയെഴുന്നേറ്റ് കുളിച്ച് നിക്കണതല്ലേ നീ? എന്നെ വല്ല്യ കുറ്റം പറഞ്ഞിട്ട് ഇത്രേം നേരമെന്തെടുക്കുവാർന്നു അതിൻ്റുള്ളിൽ?”

 

 

 

അവളെ കണ്ടപാടെ ഞാൻ ചോദിച്ചു..

 

 

 

“ഓ പിന്നേ..നീ കാക്കകുളി കുളിച്ച് റെഡിയാവുന്ന പോലാണോ ഞങ്ങൾ പെണ്ണുങ്ങൾ റെഡിയാവുന്നെ..? അതിനിച്ചിരി സമയോക്കെ വേണം..”

 

 

 

അവളെന്നെ തളിച്ച്ക്കൊണ്ട് പറഞ്ഞു..

 

 

 

“അത്ശെരി..എന്നാ ഒരു കാര്യംചെയ്യ് ഒരര മണിക്കൂറുകൂടി അതിൻ്റുള്ളില് കേറിയിരിക്ക്..നിനക്ക് സമയം വേണോല്ലോ.. എന്നെ വല്ല്യ കുറ്റം പറഞ്ഞിട്ടിപ്പോ നീയാണല്ലോ ലാഗ്..”

 

 

 

“ഏയ് സമയാവുന്നെയുള്ളൂ..എടാ എന്നെ കാണാനിപ്പോയെങ്ങനെയുണ്ട്..?”

 

 

 

“അവളെന്നെ നോക്കി ആകാംഷയോടെ ചോദിച്ചു..”