മിഴിരണ്ടിലും..3 [Jack Sparrow] 238

“പിന്നെയിവൻ എന്ത് ചെയ്യണമെന്നാ നീ പറയണേ?”

 

 

അരുൺ ചോദിച്ചു..

 

 

അതിന്,

 

 

“എടാ തുടക്കത്തിൽ തന്നെ അവളോട് പോയി ഇവൻ്റെ മനസ്സിലിരിപ്പ് പറഞ്ഞു കഴിഞ്ഞാൽ അതിൽപരം മണ്ടത്തരം വേറെയില്ല..ഇവർ തമ്മിൽ ആദ്യമായും അവസാനമായും കാണുന്നത് തന്നെ കാർമലിൽ വച്ചാണ്..അത് തന്നെയുമല്ല അവൾക്കിവനെ ഓർമയിണ്ടോയെന്ന്കൂടിയറിയില്ല..അപ്പോപിന്നെയെങ്ങനെയാ?”

 

 

ഒന്ന് നിർത്തി നികേഷ് ആലോചിച്ചു..

 

 

“എടാ ഇന്ന് രാവിലെ അവള് വന്നപ്പോൾ നിങ്ങളും കണ്ടതല്ലേ എന്നെ നോക്കി ചിരിച്ചത്..പിന്നെ ദേയിപ്പൊ പുറത്തേക്ക് പോയപ്പോഴും എന്നെ നോക്കി ചിരിച്ചാർന്നു..”

 

 

അവന്മാരെ നോക്കി ഞാൻ പറഞ്ഞു..

 

 

“അത് ശരിയാണല്ലോ.. അങ്ങനെയാണെങ്കിൽ കാര്യങ്ങൾ എളുപ്പായില്ലെ? അവളിവനെ നോക്കി ചിരിച്ച സ്ഥിതിക്ക് ഇവനെ ഓർമ്മയുണ്ട് എന്ന കാര്യമുറപ്പ്..”

 

 

അരുൺ പെട്ടന്ന് പറഞ്ഞു…

 

 

 

” എന്നാപിന്നെ നീ കൂടുതൽ പ്രയാസപ്പെടേണ്ടിവരില്ല..നീ പറഞ്ഞ കാര്യങ്ങളും പിന്നെ അന്ന് നടന്ന സംഭവങ്ങളുമൊക്കെ വച്ച് നോക്കുവാണെങ്കിൽ അവൾക്ക് നിന്നോടെന്തോ ഒരു സോഫ്റ്റ്കോർണറുണ്ട്..”

 

 

അതുകേട്ടപ്പോൾ ഉള്ളിലെവിടെയോ ഒരു മഞ്ഞുകോരിയിട്ട ഫീൽ..

 

 

“എന്നാലത് നീ വിചാരിക്കുംപോലെ നിന്നോടുള്ള ഇഷ്ടമാണെനൊന്നും പറയാൻ പറ്റില്ല..”

 

 

അവൻ പറഞ്ഞു നിർത്തിയതും, നേരെത്തെ കോരിയിട്ട മഞ്ഞെല്ലാം അതുപോലെ തന്നെ ഉരുകിപോയി..