മിഴിരണ്ടിലും..3 [Jack Sparrow] 238

 

 

 

സസ്പെൻസ് പൊളിച്ചുകൊണ്ട് ചേച്ചി തന്നെയെനിക്കിട്ട് കൊട്ടി..അതിന്, തൊട്ടടുത്ത് ചുവരിൽ കിടന്ന കലെണ്ടറിൽ നോക്കിയപ്പോഴാണ് സത്യത്തിൽ പിറ്റേന്ന് ബക്രീദാണെന്നുള്ള കാര്യം ഞാനുമറിയുന്നത്..അതോടെ ഒരുകാര്യമുറപ്പായി.. എന്തായാലുമിനി നാളെകഴിഞ്ഞെ എനിക്ക് ദേവിയെ കാണാൻ പറ്റുള്ളൂ.. ആ സത്യം കൂടി മനസിലാക്കിയപ്പോ ഒരവധി കിട്ടിയതിന് ആദ്യമായി ഞാൻ മനസ്സിൽ തെറിപറഞ്ഞു.. അല്ല ഞാനീ ഒഴിവ് ദിവസങ്ങളൊക്കെ മുൻപേ നോട്ട് ചെയ്യാറുള്ളതാണല്ലോ.. ഇതിപ്പോയെന്ത് പറ്റി..?

 

 

 

“അല്ലാ.. ഇനിയിവള് പറഞ്ഞപോലെ നിനക്ക് വല്ല സ്പെഷ്യൽ ക്ലാസുമുണ്ടോ..?”

 

 

 

ചേച്ചിയെനിക്കിട്ട് കൊട്ടിയതാണെന്നറിയാതെ പാവം അച്ഛൻ എന്നോട് ശെരിക്കും സ്പെഷ്യൽ ക്ലാസ്സുണ്ടോ എന്ന രീതിയിൽ ചോദിച്ചു..

 

 

 

“അത്.. ഏയ്..ഇല്ലച്ഛാ..ഞാൻ പെട്ടന്ന് അവധിയാണെന്നുള്ള കാര്യം മറന്നുപോയി അതാ..”

 

 

 

ഞാൻ പറഞ്ഞൊപ്പിച്ചു..

 

 

 

“അതെയതെ.. ഈയിടെയായിട്ട് ചെക്കനിത്തിരി മാലമയക്കം കൂടുതലാ..അതെങ്ങെനെയാ രാത്രി മൊത്തം കണ്ണികണ്ട ഇംഗ്ലീഷ് പടങ്ങളോക്കെ കണ്ടിരിയ്ക്കലല്ലെ അവൻ്റെ പണി..”

 

 

 

അത്രയും നേരം മിണ്ടാതിരുന്ന അമ്മയും കൂടെയെന്നെ വാരി..

 

 

 

“അപ്പോ എങ്ങനെയാ..രണ്ടാളും പോയ്ക്കോളില്ലെ..?”

 

 

 

അച്ഛൻ വീണ്ടും ചോദിച്ചു…