മാന്ത്രികലോകം 14 [Cyril] 2103

പക്ഷേ ഇപ്പോൾ ഞാൻ ആരെയും ഭയക്കുന്നില്ല…. ഒരു വേദനയേയും ഞാൻ ഭയക്കുന്നില്ല. എന്റെ മരണത്തെ ഞാൻ എന്നോ അംഗീകരിച്ചു കഴിഞ്ഞു…. ആവശ്യത്തിലധികം വേദനയും ഞാൻ അനുഭവിച്ചും കഴിഞ്ഞു. ഏതുതരം വേദനയും എനിക്ക് പുത്തരി അല്ല, ആത്മ-ശൂന്യ ശക്തിയെ….” അവസാനത്തെ വാക്കുകളെ പരിഹാസമായാണ് ഞാൻ പ്രയോഗിച്ചത്.

പക്ഷേ ‘ആത്മ-ശൂന്യ-ശക്തി’ എന്ന എന്റെ പ്രയോഗം അവ്യവസ്ഥ-ശക്തിയുടെ മുഖത്ത് ഒരു പുഞ്ചിരിയെ മാത്രമാണ് ജനിപ്പിച്ചത്.

അത് എന്നെ ശെരിക്കും ചൊടിപ്പിച്ചു. അല്‍പ്പനേരം അതിനെ ഞാൻ പകയോടെ നോക്കി.

“ ‘ആത്മശൂന്യൻ’ എന്നു നീയെന്നെ അധിക്ഷേപിക്കാൻ പ്രയോഗിച്ച വാക്കാണെങ്കിലും അതിനെ ഞാൻ അഭിമാനമായി… അംഗീകാരയായും കാണുന്നു, ഫ്രൻഷെർ. കാരണം ആത്മാവുള്ള ശക്തികള്‍ക്ക് മാത്രമേ സ്നേഹിക്കാന്‍ കഴിയൂ. സ്നേഹം ഒരു ശാപം ആണ് എന്നറിയുക. അത് ആത്മാവ്, മനസ്സ്, ഹൃദയം എന്നിവയെ ബാധിച്ച്… ചിന്താഗതിയെ പോലും മാറ്റിമറിക്കും. നിനക്ക് സംഭവിച്ചത് പോലെ സ്വന്തം വ്യക്തിത്വത്തെ പോലും അത് മാറ്റും, ഫ്രൻഷെർ.

പക്ഷേ ആത്മാവ് ഇല്ലാത്ത എന്നെ ഒരിക്കലും എന്റെ നിലപാടില്‍ നിന്നും ഒരു ശക്തിക്കും മാറ്റാൻ കഴിയില്ല. അതുകൊണ്ട് ഞാൻ എപ്പോഴും ഉന്നത നിലയില്‍ തന്നെ നിലനില്‍ക്കും…. മറ്റുള്ള ശക്തികള്‍ എന്റെ കാല്‍കീഴിലും…”

അഹങ്കാരത്തോടെ അത്രയും പറഞ്ഞ ആ മനുഷ്യ രൂപത്തില്‍ നില്‍ക്കുന്ന അവ്യവസ്ഥ-ശക്തിയെ ഞാൻ പുരികം കൂറ്പ്പിച്ചു നോക്കി.

“എങ്ങനെയും ഒഷേദ്രസ് അല്ലെങ്കിൽ നീ എന്നെ നശിപ്പിക്കും…. അപ്പോ പിന്നെ നീ എന്നില്‍ അടിച്ചേല്പിച്ച നിയോഗത്തെ ഞാൻ എന്തിനു പൂര്‍ത്തീകരിക്കണം…? എന്തുകൊണ്ട് എന്നെ ഞാൻ സ്വയം നശിപ്പിച്ച്, ഒഷേദ്രസിനെ നി സ്വയം നേരിടാനുള്ള സാഹചര്യത്തെ നിനക്ക് ഞാൻ ഒരുക്കി തന്നുടാ…?”

അത്രയും പറഞ്ഞിട്ട് ഞാൻ ഒരു ഭ്രാന്തനെ പോലെ ചിരിച്ചു… അട്ടഹസിച്ചു ചിരിച്ചു.

ഉടനെ എന്റെ മനസില്‍ എന്തിനേയോ തിരഞ്ഞു കൊണ്ടിരുന്ന അവ്യവസ്ഥ-ശക്തിയുടെ സാന്നിധ്യം, എന്റെ ആഗ്രഹം പോലെ, കഠിന കോപത്തോടെ എന്നെ വിട്ടകന്നു.

“നിന്റെ ആവശ്യം എനിക്ക് ഇല്ലായിരുന്നെങ്കില്‍ ഈ നിമിഷം തന്നെ നിന്നെ ഞാൻ നിസ്സാരമായി നശിപ്പിക്കുമായിരുന്നു, ഫ്രൻഷെർ… പക്ഷേ ഇതില്‍ നിന്നും നി ഒളിച്ചോടില്ല എന്നെനിക്കറിയാം… നീ സ്വയം നശിപ്പിക്കുകയുമില്ല, കാരണം നിന്റെ അവസാനം ശ്വാസം വരെ നി നിനക്ക് എതിരെ തിരിഞ്ഞ ശക്തികള്‍ക്ക് എതിരായി പൊരുതി കൊണ്ടിരിക്കും.. എനിക്ക് എതിരായി പോലും നി പ്രവർത്തിക്കും, ഫ്രൻഷെർ. അതാണ് നിന്റെ പ്രത്യേകത… സ്വയം നശിപ്പിക്കാന്‍ ശ്രമിക്കുന്ന ഭീരുവല്ല നീ.” അതും പറഞ്ഞ് അവ്യവസ്ഥ-ശക്തിയുടെ മനുഷ്യ ശരീരം അപ്രത്യക്ഷമായി.

അവ്യവസ്ഥ-ശക്തി പറഞ്ഞത് ശരിയാണ്…. എന്നെ സ്വയം നശിപ്പിക്കാന്‍ ഞാൻ തയ്യാറല്ല. ഞാൻ പുഞ്ചിരിച്ചു.

“നീ വലിയ ശക്തനാണ്…” ഞാൻ ഉറക്കെ പറഞ്ഞു. “പക്ഷേ നിഗൂഢ ശക്തികളും പ്രകൃതി ശക്തികളും നിന്റെ സൃഷ്ടിയായ എന്റെ വ്യക്തിത്വത്തെ പോലും മാറ്റി. എന്നാല്‍ നിനക്ക് ഒന്നും ചെയ്യാൻ കഴിഞ്ഞില്ലതാനും.” ഞാൻ പരിഹസിച്ചു.

“വിഡ്ഢി…”

അവ്യവസ്ഥ-ശക്തിയുടെ ശബ്ദം കോപത്തോടെ എങ്ങും മുഴങ്ങി.

എന്നിട്ട് പിന്നെയും എനിക്ക് മുന്നില്‍ പ്രത്യക്ഷപ്പെട്ടു.

“ആത്മാവ് ഇല്ലാത്ത എനിക്ക് സ്നേഹം എന്ന വികാരം ഇല്ലാത്തത് പോലെ വ്യക്തിത്വവും ഇല്ലെന്നറിയുക. ആയതിനാൽ വ്യക്തിത്വം എന്താണെന്നും ഞാൻ അറിയുന്നില്ല. അതുകൊണ്ട് നിന്റെ വ്യക്തിത്വം മാറിക്കൊണ്ടിരിക്കുന്നു