മാന്ത്രികലോകം 14 [Cyril] 2102

മാന്ത്രികർ പൂര്‍ണ ശക്തിയുള്ളവരായി ജനിക്കുന്നില്ല… പക്ഷേ അവര്‍ മറ്റുള്ള ശക്തികളില്‍ നിന്നെല്ലാം സ്വീകരിച്ചും നിഗൂഢ ശക്തികളില്‍ നിന്നും ജീവനുള്ള തിരിച്ചറിവ്‌ ഊര്‍ജ്ജത്തെ നേടിയും ശക്തി പ്രാപിക്കുന്നു… ദൈവങ്ങള്‍ പോലും അതുതന്നെയാണ് ചെയ്യുന്നത്. അങ്ങനെ ഒന്ന് നിലനില്‍ക്കാന്‍ മറ്റൊന്നിനെ ആശ്രയിക്കുന്നു. അതിനെ ആരും തെറ്റായി കാണുന്നില്ല. കാരണം അതുതന്നെയാണ് ശരി.

അതുപോലെ തന്നെയാണ് നശീകരണ ശക്തിയും. ആ ശക്തിക്ക് നിലനില്‍ക്കണം എന്നുണ്ടെങ്കില്‍ മറ്റുള്ള ശക്തിയെ ഭക്ഷിക്കുക എന്ന മാര്‍ഗം മാത്രമാണ് ഉള്ളത്… സ്വയം നിലനില്‍ക്കാന്‍ മനുഷ്യരും മാന്ത്രികരും ദൈവങ്ങളും ചെയ്യുന്നത് തന്നെയാണ് ആ ശക്തിയും ചെയ്യുന്നത്… പിന്നേ എല്ലാ ശക്തികളെ ക്കാൾ ഉയർന്നു നില്‍ക്കുന്ന ഞാൻ മറ്റുള്ള ശക്തികള്‍ എന്നെ നശിപ്പിച്ചു കളയാതിരിക്കാൻ വേണ്ടി ഞാൻ എടുക്കുന്ന മുന്‍കരുതലുകള്‍ മാത്രമാണ് ഇതൊക്കെ. എന്റെ നിലനില്പിന് വേണ്ടി എന്തു വേണമെങ്കിലും ഞാൻ നശിപ്പിക്കും… എത്ര വേണമെങ്കിലും ഞാൻ നശിപ്പിക്കും, ഫ്രൻഷെർ….”

“പക്ഷേ എല്ലാ ജീവജാലങ്ങളേയും നി നശിപ്പിക്കാനുള്ള കാരണം…..?” ഞാൻ ചോദിച്ചു.

“മനുഷ്യര്‍, മാന്ത്രികർ പിന്നേ മാന്ത്രിക ജീവികള്‍ — അവർക്ക് മാത്രമാണ് വളരെ ഉയർന്ന ചിന്താശേഷിയുള്ളത്. ഇന്നല്ലെങ്കില്‍ നാളെ അവരെന്നെ നശിപ്പിക്കാനുള്ള പല മാര്‍ഗ്ഗങ്ങളും കണ്ടുപിടിക്കും. അത് ഞാൻ ഒരിക്കലും അനുവദിക്കില്ല, ഫ്രൻഷെർ…”

“ഈ പ്രപഞ്ചത്തില്‍ ഉള്ള എല്ലാ സൃഷ്ടികളെയും നിനക്ക് നിന്റെ അടിമകളായി മാറ്റാൻ കഴിയുമല്ലോ… അങ്ങനെ ചെയ്താൽ അവർ നിനക്ക് അനുസരണയുള്ള ജീവികളായി കഴിഞ്ഞോളും. പിന്നെന്തിന് അവരെ നി നശിപ്പിക്കണം…?”

“നീ കാര്യമായി ചിന്തിക്കുന്നില്ല, വിഡ്ഢി..” അവ്യവസ്ഥ-ശക്തി കോപത്തോടെ പറഞ്ഞു.

ഞാൻ അതിനെ ദേഷ്യത്തില്‍ തുറിച്ചു നോക്കി.

“നിന്റെ ശക്തിയെ ഞാൻ സ്വീകരിച്ച് കഴിഞ്ഞാൽ ഇപ്പോൾ നിലവിലുള്ള എല്ലാ സൃഷ്ടികളേയും എന്റെ അടിമകളായി നിലനിർത്താൻ കഴിയും… നശിപ്പിക്കാനും കഴിയും. പക്ഷേ ഓരോ ദിവസവും ലക്ഷക്കണക്കിന് ജീവികള്‍ ജനിക്കുന്നു… പലതിനെയും സൃഷ്ടിക്കപ്പെട്ടുനു. അവയൊന്നും എന്റെ നിയന്ത്രണത്തിലുള്ള സൃഷ്ടികള്‍ ആയിരിക്കില്ല, ഫ്രൻഷെർ. എന്നുമെന്നും എനിക്ക് ഓരോ ജീവികളെയും എന്റെ അടിമയായി മാറ്റി കൊണ്ടിരിക്കാൻ എനിക്ക് കഴിയില്ല… എന്റെ ശ്രദ്ധയെ എപ്പോഴും അവര്‍ക്ക് മേല്‍ പതിച്ച് വെക്കാനും എനിക്ക് കഴിയില്ല…. അതുകൊണ്ട് അവര്‍ക്ക് എന്നെ നശിപ്പിക്കാനുള്ള സാഹചര്യം ഞാൻ എന്തിന് ഒരുക്കണം…? ആയതിനാൽ എല്ലാ സൃഷ്ടികളേയും ഞാൻ നശിപ്പിക്കും. ആ ഒറ്റ മാര്‍ഗം മാത്രമേ ഫലം ചെയ്യുകയുള്ളു.

എന്നിട്ട് എന്റെ നിയന്ത്രണത്തിൽ നിന്നും വഴുതി പോകാൻ കഴിയാത്തവയെ ഞാൻ പുതിയതായി സൃഷ്ടിക്കും… അതിന്റെയെല്ലാം ആത്മാവിനെ ഞാൻ എന്നില്‍ ബന്ധിച്ചു കൊണ്ടായിരിക്കും ആ സൃഷ്ടികളെ ഞാൻ പൂര്‍ത്തിയാക്കുക. അങ്ങനെ ചെയ്യുന്നത് മൂലം ആ സൃഷ്ടികളുടെ ഏതൊരു അംശത്തിൽ നിന്നും ജനിച്ചതും സൃഷ്ടിക്കപ്പെട്ടതും ആയാലും അതിന്റെയെല്ലാം ആത്മാവ് എന്നില്‍ താനെ ബന്ധിതമായിരിക്കും….”

അത്രയും പറഞ്ഞിട്ട് അവ്യവസ്ഥ-ശക്തി പൊട്ടിച്ചിരിച്ചു. എന്നിട്ട് തുടർന്നു ——,

“അതൊക്കെ പിന്നീടുള്ള കാര്യമാണ്.
ഇപ്പോൾ ഞാൻ ആദ്യമായും അവസാനമായും ഒരു യുദ്ധം മാത്രമേ നടത്തുകയുള്ളൂ, ഫ്രൻഷെർ… പക്ഷേ രണ്ടു ഘട്ടമായി ആ യുദ്ധം നടക്കും.

ആദ്യഘട്ടം —— അതാണ് വളരെ പ്രധാനവും നിര്‍ണായകമായതും. ആദ്യഘട്ടത്തില്‍ നി ഒഷേദ്രസിനെ നശിപ്പിക്കും —പക്ഷേ രണ്ടാം ഘട്ടം കാണാന്‍ നി ഉണ്ടാവില്ല ഫ്രൻഷെർ….”

അതും ഞാൻ പ്രതീക്ഷിച്ചതാണ്. പക്ഷേ എന്നിട്ടും ഞാൻ അതിനെ തുറിച്ചുനോക്കി. എന്റെ ഭാവം കണ്ടിട്ട് അത് കൗതുകത്തോടെ ചിരിച്ചു.

“അതിന്‌ കാരണമുണ്ട്, ഫ്രൻഷെർ…”

“എന്തു കാരണം…?”