മാന്ത്രികലോകം 14 [Cyril] 2103

“അപ്പോ ഒഷേദ്രസിന് എന്റെ ആത്മാവിനെ നശിപ്പിക്കാന്‍ കഴിഞ്ഞാൽ…?” ഞാൻ ചോദിച്ചു.

“അപ്പോഴും നിന്റെ ശക്തിയെ ഞാൻ എന്നില്‍ ലയിപ്പിച്ച് പരിണാമം പ്രാപിക്കും. പക്ഷേ ഏകാധിപത്യം സ്ഥാപിക്കാൻ ഒഷേദ്രസ് എന്റെ മുന്നില്‍ വിലങ്ങുതടിയായി നില്‍ക്കും. കാരണം അവന്റെ ചിന്താഗതിയും അതുതന്നെയാണ്. അതുകൊണ്ട് നിനക്ക് ഒഷേദ്രസിനെ നശിപ്പിക്കാന്‍ കഴിഞ്ഞില്ലെങ്കിൽ മാത്രമേ രണ്ടാം ഘട്ടം ഒരു യുദ്ധമായി മാറുകയുള്ളു — ഞാനും ഒഷേദ്രസും തമ്മില്‍ ആയിരിക്കും ആ യുദ്ധം…” അവ്യവസ്ഥ-ശക്തി തെല്ല് അസ്വസ്ഥതയോടെ പറഞ്ഞു.

“എന്തുകൊണ്ട് അവ്യവസ്ഥ-ശക്തിയായ നിനക്കു ഒഷേദ്രസിലുള്ള അവ്യവസ്ഥ-ശക്തിയെ നിയന്ത്രിക്കാൻ കഴിയുനില്ല….?” ഞാൻ പുച്ഛത്തോടെ ചോദിച്ചു.

“നിന്റെ പുച്ഛം നീ മറ്റുള്ളവര്‍ക്ക് നേരെ പ്രയോഗിക്കുക, അല്‍പ്പശക്തി” അവ്യവസ്ഥ-ശക്തി കോപത്തോടെ അലറി.

ഞാൻ ഉറക്കെ ചിരിച്ചു. അവ്യവസ്ഥ-ശക്തി വെറുപ്പോടെ നോക്കി. അതിന്റെ കോപം വര്‍ധിച്ചു കൊണ്ടിരുന്നു.

“ഒഷേദ്രസിന് നീ മൂലം ലഭിച്ച അവ്യവസ്ഥ-ശക്തി ആ നിമിഷം തന്നെ പരിണമിച്ചിരുന്നു. അതുകാരണം ഞാൻ പണ്ട് സ്വീകരിച്ച ഉയർന്ന ശക്തിയില്‍ നിന്നും നേരിയ അംശത്തെ ഒഷേദ്രസിനും സ്വീകരിക്കാൻ കഴിഞ്ഞു. അതുകൊണ്ട് ഒഷേദ്രസിന്റെ ആത്മാവിനെ അവന്‍ എന്നില്‍ ബന്ധിക്കാത്ത പക്ഷം എനിക്ക് അവന്റെ ശക്തിയെ നിയന്ത്രിക്കാൻ കഴിയി——”

പെട്ടന്ന് അവ്യവസ്ഥ-ശക്തി യേക്കാൾ ഒരു വലിയ ശക്തി ഉണ്ടെന്ന രഹസ്യത്തേയാണ് അത് എന്നോട് പറഞ്ഞതെന്നു ബോധവാനായത് പോലെ അവ്യവസ്ഥ-ശക്തി ഒന്ന് ഞെട്ടി. എന്നിട്ട് ഭീതിയോടെ അത് എന്നെ തുറിച്ചു നോക്കി…

ഞാൻ നിഷ്കളങ്കമായി പുഞ്ചിരിച്ചു. പക്ഷേ എന്റെ കണ്ണില്‍ അപഹാസ്യം നിറഞ്ഞു നിന്നു.

“ധിക്കാ……….രി…….” അവ്യവസ്ഥ-ശക്തി അലറി.

ഞാൻ അവജ്ഞയോടെ ചിരിച്ചു.

“എന്നെ പോലും നി സ്വാധീനിക്കാന്‍ ശ്രമിക്കുന്നുവോ…? എന്റെ മനസില്‍ നി സ്വാധീനം ചെലുത്തുന്നത് ഞാൻ അറിയുന്നു…”

അവ്യവസ്ഥ-ശക്തി കോപത്തോടെ ഗര്‍ജ്ജിച്ചു. അതിന്റെ കണ്ണുകൾ കോപം കൊണ്ട് ജ്വലിച്ചു.

പക്ഷേ ഉടൻ തന്നെ അവ്യവസ്ഥ-ശക്തി ശാന്തമായി.. എന്നിട്ട് പുഞ്ചിരിച്ചു.

അത് പെട്ടന്നു ചിരിക്കാന്‍ ഉണ്ടായ കാരണം അറിയാതെ ഞാൻ എന്റെ ചിരി നിർത്തി അതിനെ സംശയത്തോടെ നോക്കി.

“നിന്റെ ആവശ്യം കഴിഞ്ഞാൽ ഒരു നിമിഷം പോലും നിന്റെ ആത്മാവിനെ ഞാൻ നിലനിര്‍ത്തില്ല, ഫ്രൻഷെർ… പക്ഷേ നിന്നെ എന്നില്‍ ലയിപ്പിച്ച ശേഷവും നിന്റെ ബോധ മനസ്സിനെ ഞാൻ നിലനിര്‍ത്തും… മാന്ത്രിക ശക്തികള്‍ ഒന്നുമില്ലാത്ത സാധാരണ മനുഷ്യ മനസ്സായി മാത്രം.