മാന്ത്രികലോകം 10

Author : Cyril

[Previous part]

 

പ്രിയ സുഹൃത്തുക്കളെ, ഒരുപാട്‌ വൈകി എന്നറിയാം. തിരക്കും എഴുതാനുള്ള ആ നല്ല മൈന്റും ഇല്ലാത്തത് കൊണ്ടാണ് ഇത്രത്തോളം വൈകിയത്. ഇപ്പോഴും കഥ publish ചെയ്യാൻ കഴിയുമായിരുന്നില്ല.. പക്ഷേ എങ്ങനെയൊക്കെയോ  ഈ part എഴുതി എന്നുവേണം പറയാൻ. അതുകൊണ്ട്‌ കഥ എത്രത്തോളം നന്നായെന്ന് എനിക്ക് തന്നെ അറിയില്ല… നിരാശപ്പെടുത്തിയെങ്കിൽ ക്ഷമിക്കുക. തെറ്റുകൾ ചൂണ്ടിക്കാണിക്കുക. 

 

 

ഫ്രൻഷെർ

 

 

എന്തായാലും ഒരു കാര്യം എനിക്കു തറപ്പിച്ച് പറയാൻ കഴിയും….. റീനസ് ആ രണ്ടാമത്തെ തടവറയിൽ ഉണ്ട്. ആ തടവറ എവിടെയാണെന്ന് കണ്ടുപിടിക്കണം.

എന്തുതന്നെയായാലും ഈ തടവറയില്‍ ഞാൻ കടന്നത് പോലെ ആ തടവറയിലും അത്ര നിസ്സാരമായി എനിക്ക് കടക്കാന്‍ കഴിയില്ല എന്നെനിക്ക് ബോധ്യമുണ്ട്… കാരണം ഇവിടെ സംഭവിച്ചത് എല്ലാം ആ തടവറയിലുള്ള ആ കാവല്‍ ശക്തി തീർച്ചയായും അറിഞ്ഞിട്ടുണ്ടാവും… അതുകൊണ്ട്‌ ഇനി എന്ത് ചെയ്യണം എന്ന് നല്ലതുപോലെ ആലോചിക്കണം…

പക്ഷേ ആദ്യം ചെയ്യേണ്ട കാര്യങ്ങൾ കുറെ ഉണ്ട്…

യക്ഷ ലോകത്ത് നിന്നും ഞാൻ ഞങ്ങളുടെ ആ മാന്ത്രിക ഭവനത്തിലേക്ക് അഗ്നി യാത്ര ചെയ്തു.
***********

മാന്ത്രിക ഭവനത്തിലെ എന്റെ മുറിയിലുള്ള അഗ്നിഗുണ്ടത്തിൽ പ്രത്യക്ഷപ്പെട്ടതും ഞാൻ ഞെട്ടി. ഭയവും എന്റെ മനസില്‍ വേഗം നിറഞ്ഞു.

എന്റെ സുഹൃത്തുക്കൾ ആണോ ആ മാന്ത്രിക വസ്തുവിനെ സൃഷ്ടിക്കുന്നത്…? അതോ ഒഷേദ്രസിന്റെ അനുയായികളിൽ ആരെങ്കിലും ഇവിടെ നുഴഞ്ഞു കയറിയോ…? ഞങ്ങളെ ആക്രമിക്കാൻ ആരെങ്കിലും വന്നതാണോ ഇവിടെ…?

തല്‍ക്ഷണം തന്നെ എന്റെ മനഃശക്തിയെ മാന്ത്രിക ഭവനം മുഴുവനായി ഞാൻ വ്യാപിപ്പിച്ചു കൊണ്ട് എന്താണ് സംഭവിക്കുന്നതെന്ന് ഞാൻ ആരാഞ്ഞു.

അഗ്നിയേയും ഉജ്ജ്വലയേയും അവിടെയെങ്ങും കാണാന്‍ കഴിഞ്ഞില്ല…. അവർ മനുഷ്യ ലോകത്ത് ആയിരിക്കും.

ഞാൻ ഭയന്നത് പോലെ ശത്രുക്കൾ ആരും മാന്ത്രിക ഭവനത്തില്‍ നുഴഞ്ഞു കയറിയിരുന്നില്ല. അതോടെ എന്റെ മനസ് പെട്ടന്ന് ശാന്തമായി.

പരിശീലന മുറിയില്‍ എല്ലാവരും ഉണ്ടായിരുന്നു.. അവർ പത്തു പേരും ഒന്നായി അവരുടെ മാന്ത്രിക ശക്തിയെ ഒറ്റ ശക്തിയായി കൂട്ടിയിണക്കി ആ ശക്തിയെ ഉപയോഗിച്ച് ഒരു മാന്ത്രിക വസ്തുവിനെ സൃഷ്ടിച്ചു കൊണ്ടിരുന്നതാണ് ഞാൻ കണ്ടത്….. ആ മാന്ത്രിക വസ്തുവിന്‍റെ സൃഷ്ടിയെ പകുതിയില്‍ നിർത്തി കൊണ്ട് അവർ ആ വസ്തുവിനെ പരിശോധിക്കുകയായിരുന്നു… കാരണം ആ വസ്തുവിനെ ശരിയായ രീതിയില്‍ അല്ല അവർ സൃഷ്ടിച്ച് കൊണ്ടിരുന്നത്…

ഞാൻ അതിനെ സൂക്ഷ്മമായി പരിശോധിച്ചു…. ഈ വസ്തുവിന്‍റെ സൃഷ്ടി പൂര്‍ത്തിയായാല്‍ പോലും ആ വസ്തുവിനെ അവര്‍ക്ക് ഫലപ്രദമായി പ്രയോഗിക്കാൻ കഴിയില്ല…..

പക്ഷേ അവരുടെ പരിശ്രമത്തിലൂടെ അവർക്ക് അതിനെ സൃഷ്ടിക്കാനുള്ള നേരായ മാര്‍ഗ്ഗത്തെ അവർ കണ്ടെത്തുക തന്നെ ചെയ്യുമെന്ന വിശ്വസം എനിക്ക് ഉണ്ടായിരുന്നു.

അപ്പോഴാണ് ഒരു പുതിയ സാന്നിധ്യം അവിടെ ഉള്ളത് അറിഞ്ഞപ്പോലെ അമ്മുവിന്‍റെ ശ്രദ്ധ ഒന്ന് പാളിയത്. അവള്‍ പെട്ടന്ന് പേടിയോടെ ചുറ്റുപാടും നോക്കി. ഉടനെ മറ്റുള്ളവരും മുഖം ചുളിച്ചു കൊണ്ട് അമ്മുവിനെ ചോദ്യ ഭാവത്തില്‍ നോക്കി….

അവർ ചെയ്തുകൊണ്ടിരുന്ന കാര്യത്തിൽ നിന്നും എല്ലാവരുടെയും ശ്രദ്ധ മാറിയതും ആ മാന്ത്രിക വസ്തുവിനെ സൃഷ്ടിക്കാന്‍ ഇതുവരെ നടത്തിയിരുന്ന