ഭ്രാന്തിക്കുട്ടി 5 [Hope] 670

മനസ്സൊന്നു ശാന്തമാകുന്നതു വരെ…..

അന്നത്തെ ദിവസം മുഴുവനും അങ്ങനെയായിരുന്നു തള്ള കോഴിയുടെ കൂടെ കുഞ്ഞി കോഴി നടക്കുന്ന പോലെ ഞാൻ ചേച്ചിയുടെ പുറകെ തന്നെയായിരുന്നു ആ ദേഹത്തു പറ്റി പിടിച്ചു കിടന്നുറങ്ങിയപ്പോ ഒരു സമാധാനമായിരുന്നു….

 

പിറ്റേദിവസം രാവിലെ ഞാനെഴുന്നേറ്റതൊരു തീരുമാനത്തോടെയായിരുന്നു

അവളെ ഞാൻ നഷ്ടപ്പെടുത്തില്ലെന്ന തീരുമാനത്തോടെ….

തലേന്ന് വിശേഷ ദിവസമായിരുന്നത് കൊണ്ട് കടയിൽ ജോലിക്കാളില്ലെന്നും

പറഞ്ഞു രാഹുലേട്ടൻ വിളിച്ചിരുന്നു അതുകൊണ്ട് രാവിലെ കടയിലേക്ക് പോയി….

വൈകുന്നേരം അവളെ പോയി കാണുമെന്ന് ഞാൻ ഉറപ്പിച്ചിരുന്നു ഇനി അവളുടെ വീടിനകത്തു കേറിയെങ്കിൽ അങ്ങനെ…..

 

“… ഡാ അമ്പലത്തിൽ പോയിട്ടവളെന്നാ പറഞ്ഞു???….”

 

ഇന്നലെ അമ്പലത്തിൽ പോയിട്ടെങ്ങനെയുണ്ടായിരുന്നു വെന്നറിയാൻ രാഹുലേട്ടനെന്നോട് ചോദിച്ചു പുള്ളിടെ മുഖത്ത് ഇന്നലെ എന്ത് നടന്നു എന്നറിയാനുള്ള ഭയങ്കര ആകാംഷയുണ്ടായിരുന്നു…..

 

“…. പോയി തൊഴുതു പിന്നെ തിരിച്ചു വീട്ടിൽ കൊണ്ടുപോയാക്കി….”

 

“… ശേ… ഇത്രേ ഉണ്ടായുള്ളു???

ഞാനായിരുന്നേ എപ്പോ അവളെ സെറ്റാക്കിയെന്നു ചോദിച്ചാ മതി….

നിനക്കെന്തേലും ടിപ്സ് വേണമായിരുന്നെങ്കി എന്നെ വിളിച്ചൂടാരുന്നോ???…”

 

പുള്ളി ചിരിച്ചു പിന്നെയും ചോദിച്ചതും എനിക്കീ വിഷയം എങ്ങനെയെങ്കിലും ഒഴിവാക്കണമെന്നായിരുന്നു

ഇന്നലെ അവള് പറഞ്ഞയാ വാക്കുകളും ഞാൻ കാണിച്ച, ആ അനാവശ്യ മൗനവുമായിരുന്നു അതിനു കാരണം…..

 

“…. അവൾക്കങ്ങനെയൊന്നുമില്ലായിരുന്നു…. പിന്നെ നിർബന്ധിക്കാൻ പറ്റില്ലല്ലോ….

പിന്നെ എനിക്കിതിനെ പറ്റി സംസാരിക്കാൻ വല്യ താല്പര്യമില്ലേട്ടാ….

ഞാനൊന്ന് ടോയ്ലറ്റിൽ പോയി വരാം… ”

 

പറയാനാണെങ്കിൽ ഇന്നലെ അവള് പറഞ്ഞതെല്ലാം പറയേണ്ടി വരുമെന്ന് തോന്നിയതു കൊണ്ട് എങ്ങനെയെങ്കിലും ആ വിഷയം സംസാരത്തിൽ നിന്നും ഒഴിവാക്കാനായിട്ട് ഞാൻ പതിയെ അവിടെ നിന്നും

മാറി ……

എന്റെ ഉദ്ദേശം മനസ്സിലായത് കൊണ്ടാണെന്നു തോന്നുന്നു പിന്നെ രാഹുലേട്ടനുമെന്നോടധികം സംസാരിക്കാൻ വന്നില്ല എന്റെയാ വാക്കുകൾ പുള്ളിയെ ചെറുതായെങ്കിലും നിരാശരാക്കിയതു പോലെയെനിക്കു തോന്നിയിരുന്നു ……

സമയം

വൈകുന്നേരത്തെക്കടുത്തപ്പോ കടയിൽ നല്ല തിരക്കായി തുടങ്ങിയിരുന്നു എന്റെ സെക്ഷനിൽ വന്ന കസ്റ്റമെഴ്‌സിനു തുണിയെടുത്ത് കൊടുത്തോണ്ടിരുന്നപ്പോഴാണ്